[A:7]yul du btsun pa byung ba la snga ba mkhan po bo dhi satwa sku gshegs nas 'dis mkhan po byas pa yin no/ /bha dznyA nendra rakShi ta ye shes dbang po srung ba ste/ dam pa'i chos 'byin pa'i mkhan po chen po bod la sku drin che ba yin zhing / sangs rgyas kyis kyang byang chub sems dpa' rta skad ces bya bar lung bstan pa thob pa yin no/ /ratna indra rakShi ta rin chen dbang po srung ba ste gsum mo/ /bar pa ni glang su ga ta warma rakShi ta bde bar gshegs pa'i go cha srung ba zhes bya'o/ /gzhon gsum ni/ pa gor bai ro tsa na rakShi ta rnam par snang mdzad srung ba zhes bya ba dang / 'khon nA gendra rakShi ta klu'i dbang po srung ba zhes bya ba dang / gtsang de wendra rakShi ta lha'i dbang po srung ba zhes bya ba dang gsum mo/ /sad mi mi bdun la/ ska ba shrI ku Di rakShi ta dpal brtsegs srung ba la sogs pa lo tsA ba chen po brgya rtsa brgyad kyis blo sbyangs mdzad la/ de dag las cog ro klu'i rgyal mtshan la sogs pa lo tsA ba stong rtsa brgyad kyis blo sbyong mdzad do/ /zhes sngon gyi bka' chems kyi yi ge rnying pa las 'byung ngo / /de rnams kyis sgra bsgyur dang / zhu chen dang / mchan bu'i lo tsA ba byas te/ shes rab kyi pha rol tu phyin pa la sogs pa mdo sde mang po dang / rnam snang mngon byang la sogs pa bya spyod kyi rgyud dang / de nyid 'dus pa la sogs pa rnal 'byor gyi rgyud la sogs pa sngags ji rigs pa dang sgrub thabs mang du bsgyur/ de nas bzung ste dam pa'i chos dar zhing rgyas par mdzad do/ /khri srong lde'u btsan la sras bzhi byung ba'i che ba gsum grongs/ chung shos khri lde srong btsan sad na legs mjang yon du grags pa des skar chung gi lha khang bzhengs/ paNDi ta bi ma la mi tra/ kA ma la shI la/ dznyA na se na/ bal po hU~M ka ra rnams bsten te/