[A:8] 'khon klu'i dbang po srung ba/ rma rin chen mchog /ye shes sde/ dran pa nam mkha'/ gtsang de byin rnams kyis lo tsA byas te chos sngar ma bsgyur ba mang po bsgyur/ bsgyur ba rnams skad gsar bcad kyis bcos shing gtan la phab/ chos grwa dang sgom grwa mang po btsugs/ bod 'bangs rnams bde ba la bkod de dam pa'i chos rgyas par byas so/ /de la sras gtsang ma/ dar ma/ ral pa can bya ba gsum byung ba'i gtsang ma rab tu byung / dar ma rang rgyud ngan pas sems can la gnod kyis dogs nas rgyal srid ma gtad par/ khri lde gtsug brtan ral pa can du grags pa de lo bcu gnyis la yab 'das nas de la rgyal srid gtad/ de'i ring la 'u shang rdo'i gtsug lag khang bzhengs/ mkhan po pradznyA warma dang / dzi na mi tra dang / su rendra bo dhi la sogs pa mang po dang / lo tsA ba ska ba dpal brtsegs cog ro klu'i rgyal mtshan/ zhang sna nam ye shes sde rnams kyis chos mang po bsgyur zhing zhus te gtan la phab nas/ dam pa'i chos shin tu dar zhing rgyas par byas so/ /
gnyis pa bar du 'gribs pa'i tshul ni/ ral pa can grong pa'i rjes su dar mas rgyal srid bzung ste/ thog mar rgyal srid chos bzhin du bskyangs pa las/ bar skabs su khong gi thugs su gdon gsol nas jo bo shAkya bye them du sbas/ sngags kyi rgyud sde rnams rgya gar du bskyal/ pu sti mchod cha rnams mun khung du sbas/ paNDi ta rnams rgya gar du log /rab tu byung ba la la bkrong / la la rta zhon pa'i stegs byas/ la la phab nas rnga gshang bskur te bya dang / ri dwags rngon pa la bkol nas dbus gtsang gi bstan pa nyams shing ming tsam yang med par byas/ de'i dus na 'dul ba la lag len ni ngal zhing dub pa'i mthar lhung ba tsam