[A:79]pa/ rbab tu lhung ba de nga la khros pas dam nyams pa/ ma shi ba de 'chi khar ngas dam tshig gsos pas ngan song du ma lhung ba/ lam khar las pa cung zad lam sgom pa/ lam gnyis ka'i khar las pa cung zad rtogs pa rnyed pa/ sum cu tsam gyis ma thar ba snga ma bas cung zad rtogs pa mtho ba/ nga'i zla la slebs pa de rnams bzod pa thob pa ste/ stag lta bur lus ma spangs par grub par thob pa ni mi 'ong / zhu byas lta bu'i bzod pa thob pa lnga drug tsam 'ong bar 'dug gsung / dgung lo nga drug pa'i rmi lam na bla ma'i zhal nas ngas khyod la chos bstan pa thams cad 'dir 'dus pa yin te/ byang chub sems kyi bdag nyid dngos/ /dang por chos nyid gdan du byas/ /'byung ba rlung la sbar 'dzin bya/ /gtum mo'i me drod rab tu bskyed/ /byang chub chu rgyun dbu mar gzhug /sa sogs 'byung ba dbang du 'du/ /ye shes lnga ni mngon gyur nas/ /'chi ba med pa'i gnas thob bo/ /zhes gsungs pas phyi nang gi rten 'brel thams cad thugs su chud do/ /lo re gcig pa'i tshe mnal lam na ne'u gseng zhig gi dbus na bzhugs 'dug pa dang / bud med sngon mo kha cig na re/ mkha' spyod du byon zer ba la/ nga la mkha' spyod kyis ci bya/ sangs rgyas kyang sems can gyi don las med pas mi 'gro gsung / mdun na rdo dkar 'jam zhing 'dug pa'i drung na 'khod nas 'di'i steng du zhabs bzhag na mkha' spyod du 'gro zer yang / zhabs ma bzhag pa rmis gsungs/ lo re bdun pa'i tshe dbyug pa'i zla ba'i mtshan mo bla chen nyid la byang sems brgyad kyis bskor ba'i g.yas su dgyes rdor lha dgu/ g.yon du thub pa la kauNDi Nya la sogs pa dgra bcom brgyad kyis bskor ba'i