[A:80]rnam 'phrul bstan nas/ khyod rab tu 'byung na su la 'byung / dbang len na gang las len gsung ba na/ bdag rab tu 'byung ba'am dbang bskur len na mkhan po dang rdo rje slob dpon du gyur pa chos kyi rje nyid do/ /zhes zhus pas/ de kho na bzhin/ khyod kyis legs par rtogs pa de bzhin no zhes dbugs dbyung / gzhan yang de'i mtshan thog thag /bla chen dang dris lan gyis sgo nas the tshom mang po chod gsung / re brgyad pa'i tshe bde ba can du spyan 'dren pa'i lha'i pho nya mang po byung ba phyir bzlog /re dgu pa la lha du ma lhags nas mi mjed kyi mi bsngags pa dang / bde ba can gyi bsngags pa brjod pa'i sgo nas spyan 'dren pa na/ kho bo zhing khams bzang ba la dga' ba dang / ngan pa la mi dga' ba med la/ zhing sbyong ba la zhing dman pa khyad par 'phags zhing bdag la ltos pa'i mgon med pa 'ga' yod pas mi 'gro gsung nas bzlog /de nas zhag bcu bdun 'das pa na ci nas kyang gshegs so zhes zer ba dang / bde ba can gyi bkod pa'ang gzigs shing / thun mong duu sa g.yo ba dang / sgra grag pa/ 'od phung 'phro ba la sogs pa snang ngo / /bdun cu pa'i srod la phyi na yod pa 'ga' zhig gis kyang spyan 'dren pa'i lha'i tshogs du ma mthong zhing / chos rje pa drung na 'dug pas kyang gzigs skad/ tho rangs chos rje tsog pur 'dug ste gsol ba btab pas cung zad mnal ba na bde ba can nas 'ong zer ba'i lha tshogs nam mkha' khyab pa'i gzugs can rin po che'i drwa bas bskor ba rnams kyis seng ge'i khri rgyan du mas spras pa dang / mchod pa'i bkod pa du ma dang bcas te rje pa bde ba can du spyan 'dren zer ba dang / lha rnams la gsol ba btab pas re zhig cang mi