[A:81]smra bar 'khod par snang ngo / /rje de nyid la gsol ba btab pas gshegs pa la spro bar gzigs nas/ khyed kyang bde ba can gyi bkod pa la ltos shig gsung ste phyag gis brda sprad pas bai DUrya'i sa gzhi dang / rin po che'i shing ljon pa la sogs pa'i bkod pa yid 'phrog pa gzigs so/ /der dang po gser mdog can du gshegs gsungs pa dang mi 'gal lam zhus pas/ bla ma yab sras kyi drung du skye bar gyur cig ces smon lam gyi stobs las re zhig bde ba can du 'gro gsungs/ de nas rnam par thar pa 'ga' zhig gsungs pa mnal sad pa na bsnyel skad/ de'i tshe yan lag bdun pa sngon du 'gro bas dkyil 'khor bsgoms pa la sogs pa mdzad nas chos rje la/ kho bo re zhig bde ba can du 'gro/ der yun mi ring ba zhig bsdad nas gser gyi mdog can du sngar bshad pa'i tshul gyis 'khor los sgyur ba'i rgyal po stobs kyi cha byad du byas nas sangs rgyas kyi zhing sbyong bar byed/ de nas skye ba gsum pa'i lus de nyid la brten nas lus ma spangs par phyag rgya chen po mchog gi dngos grub thob tu re ba yin gsungs nas/ gsang sngags kyi rten 'brel zab mo la rtse gcig tu mdzad do/ /dgung lo bdun cu don bzhi pa me pho byi ba'i lo khra zla ba'i tshes bcu gnyis la bde ba can du gshegs so//
! sa chen gyi sras bzhi pa ni/ gcung dpal chen 'od po ste/ des kyang yab mes kyi chos la sbyangs shing / man ngag mang po dang gso ba rig pa la sbyangs te/ brtse ba'i thugs rjes 'gro ba mang po'i don mdzad nas/ lcags pho rta la 'khrungs nas chu mo phag gi lo dgung lo nga bzhi bzhes pa'i dus su zla ba lnga pa'i tshes nyer