[A:82]gcig la bde bar gshegs so/
Biographical Sketch of Sa paN
/gnyis pa de las 'phros pa'i lo rgyus la/ chos rje pa dang / chos kyi rgyal po'i rnam thar gnyis kyi/ dang po ni/ rje btsun chen po de nyid kyi chos las skyes pa'i sras ni chos kyi rje chen po ste/ mtshan kun dga' rgyal mtshan zhes bya ba yin no/ /de'ang yum gyi lhums su zhugs pa na klu'i rgyal po rin po che'i rgyan mig gis bltar mi bzod pa zhig gis khyed la gnas g.yar zer ba rmi zhing / lhums su zhugs pa na yum la ting nge 'dzin bzang po skyes/ sku bltams pa na bar snang 'od kyis khyab pa dang / bltams nas gog thub pa na snga ma'i bag chags sad pas saM skr-i ta'i skad smra ba 'ga' re byung / mas 'di la gu ba zhig 'ong ba lags sam/ gtam go rgyu med pa smra yin gda' zhus pas/ rje pas saM skr-i ta'i skad mkhyen pas gzigs nas/ khyod kyi buu la gu ba byung dogs med skad/ de'i tshe phyag mdzub kyis nA ga ra dang lanytsha la sogs pa rgya gar gyi A li kA li tshang bar bris nas klog pa'i tshul mdzad/ mi 'goms par phyag gis phyis nas btang ba dang / rgya klog bod klog ma bslabs par mkhyen pa dang / cher skyes nas rgya bod kyi yi ge'i rigs dang / rtsis dang / gso dpyad dang / bzo'i gnas sna tshogs la ma bslabs par mkhyen pas kun gyi ngo mtshar du 'dzin to/ /gzhan yang gzhon nu nyid nas rje btsun chen po las dbang bskur nod de/ mngon rtogs rgyas 'bring la sogs pa dang rgyud gsum la gsan sbyong mdzad nas/ dgung lo dgu pa la mtsho skyes/ bcu gcig pa la brtag gnyis/ bcu bzhi pa la sambu Ti gsungs/ bco lnga pa la yab mes kyi chos thams cad thugs su