[A:86]rjes su spyi bo lhas pa la brgyad stong pa rtsa 'grel/ nyi khri 'grel chen/ mngon pa kun las btus/ bka' gdams gdams ngag gi skor/ gsang 'dus rim lnga/ nA ro chos drug /dbu ma chen po/ bya spyod/ gcod/ zhi byed/ rdzogs chen la sogs pa mang du gsan te/ mdor na rig pa'i gnas lnga mthar son pas yongs su rdzogs pa'i paNDi ta chen por gyur pa yin no/ /mngon par rtogs pa'i yon tan yang / mnal lam du gzhan las chos kyi sgo mang po gsan pa dang / spyan ras gzigs dang / sgrol ma dang / 'jam dbyangs dang / mi g.yo mgon po la sogs pa mngon sum du gzigs shing dbugs phyung nas chos kyi sgo du ma bstan pa la brten nas ting nge 'dzin gyi yon tan gyi chos du ma brnyes par gyur to/ /de bzhin du bsnyung ba'i dus na'ang 'jam dbyangs dang / klu sgrub dang / zhi ba lha la sogs pa rnams kyi bsnyun gsos mdzad pa'i snang ba byung ba dang / bo dong rin po che la sogs pa dag pa'i gdul bya 'ga' zhig 'jam dbyangs dang dbyer med par mthong zhing nges pa rnyed la/ gzhan yang gsang ba'i gnas pa ltar mi mngon pa dang / dbu'i gtsug tor gsal por 'phags pa dang / smin mtshams kyi mdzod spu dung ltar g.yas su 'khyil ba la sogs pa yon tan du ma dang ldan no/ /mngon shes kyang mnga' ste byang ngos 'byon pa'i dus su shing mo sbrul gyi lo ston zla 'bring po shar ba dang phyags pheb nas bgrang ba'i lo gcig gi gong / lcags pho khyi'i ston zla tha chung shar ba na drung na 'dug pa 'ga' zhig la lcags phag la zhing gzhan du gshegs gsung ba thog tu pheb pas so/ /mdzad pa phrin las la'ang 'chad pa'i tshe rnam bshad rigs