[A:89]dag der lhags nas sangs rgyas pa'i rten dang chos rje nyid la phyag mi 'tshal bar/ bde legs dang bsngags par 'os pa'i tshigs bcad re re tsam bton nas/ gral la 'khod pa na 'di skad smra ste/ nged kyi rigs thams cad kyis bla ma tshangs pa nas brtsams te deng sang gi bar du gau ta ma'i bstan pa la mi ltos/ dkon mchog gsum la skyabs su 'gro ma myongs pas drang song gi rigs rnam par dag pa kho bo cag yin zhes smra bar byed do/ /de dus chos rjes pas gsungs pa ni/ tshangs pa de ni ston pa la gus pa yin na 'on kyang de gti mug che bas gnyid kyis non pa min nam/ ji skad du/ rab mchog lag pa bzhi pa bcu drug phyed phyed phyogs kyi gdong pa can/ /bzlas dang nges pa'i cho ga shes shing nges brjod rig byed 'don pa po/ /dri ma med pa'i padma'i skye gnas tshangs pa de yang gnyid log gyur/ /ces dang / kho bo'i ston pa stobs bcu mnga' ba de ni rtag tu rab tu snga ba nyid du nam langs pa'o/ /zhes rab tu snga bar nam langs pa'i bstod pa las 'byung ba'i tshig don gsungs pa dang / de dag ma rangs nas rtsod pa'i gtam rgya cher byed pa'i skabs de nyid du/ rgol ba de dag re re nas sun phyung bas/ mi smra ba'i brtul zhugs la bkod pas khengs pa drung nas phyung ste lta ba ngan pa'i sems kyi dri ma bsal nas bstan pa la rab tu byung ste slar rgya gar du log pas rgya gar shar nub kun la chos kyi rje la smra ba'i khyu mchog tu grags so/ /rtsom pa la sgra'i phyogs la shes rab 'phro ba dang / sgra la 'jug pa/ tshad ma la rigs gter rtsa 'grel/ sdeb sbyor la sdeb sbyor sna tshogs me tog chun po/ snyan ngags la mkhas pa'i kha rgyan dang / bde