[A:96] chos dung dang lhung bzed la sogs pa gnang / slob ma'i tshogs rnams gtad nas/ bstan pa'i bya ba dang / sems can mang po'i don bya ba'i dus la babs pas/ sngon gyi dam bcas dran par gyis shig ces pa'i sgo nas bstan pa gtad do/ /gnyis pa ni/ glang lo la se chen gyis gdan drangs nas pho brang du byon te/ rgyal pos gzhan gyis lan ma thebs pa'i the tshom mang po dris pa'i lan rgyu mtshan dang bcas pa gsungs pas mnyes te/ rgyal pos zhus pa'i ngor/ rgyal po nyid kyis thog drangs pa'i mi nyi shu rtsa lnga la kye rdo rje'i dbang bskur nas hor gyi rgyal khams su rdo rje theg pa'i dbu brnyes so/
'Phags pa's ordination
de'i phyi de lo rgyal pos ljang yul du dmag la phyin dus bla ma byang ngos su byon te chos rje'i sku 'bum la rab gnas mdzad nas dbus gtsang du byon te/ chos rje pa'i gsung bzhin 'u yug pa las bsnyen rdzogs zhu ba dang / sngar ma gsan pa'i chos mang du gsan dgos dgongs nas mdo khams
bar byon pa dang /
'u yug pa glang lo la sku gshegs zhes phyogs kyi 'grul las thos nas/ phyir log ste rgyal po tshur byon pa dang lhan cig rgya yul du byon nas/ rgya hor gyi sa mtshams the ler zhes bya ba chu bo chen po'i 'gram na yod pa zhig gi 'ur thor zhes bya ba/ dgung lo nyer gcig pa shing mo yos lo zla ba lnga pa'i tshes bcu bzhi'i nyin mkhan po grags pa seng ge /las slob jo gdan byang thang ba bsod nams rgyal mtshan/ gsang ston pa yar klung pa byang chub rgyal mtshan/ dad dge ba chos rje pa'i bu rgan mang rab mkhan po sgro dang / gnam 'phar ba tshul rin la sogs pa nyi shu'i dbus su bsnyen par rdzogs nas/ mkhan po las phar phyin 'grel chung dang tshig gsal la