[A:99]na yod par grags pa'i mdo rgyud man ngag gi skor phra zhing phra ba dang bcas pa thams cad nga la yod pas khyed rang so so gang la gang 'os pa'i chos nga la zhus shig /zhes gsungs nas shin tu zab pa dang rgya che ba'i sgo grangs las 'das pa dpe mkhyud med par gnang zhing / zang zing gi sbyin pa rgya chen po'ang mdzad de/ de'ang chu mig tu dge 'dun khri phrag bdun la chos 'khor rgya chen po mdzad cing / mdo khams sgang du gser gyi pusti brgya dang bco lnga dang / stag thog gzhis mo cher mdo mang pusti bzhi bcu gser las bzhengs shing / gzhan yang chos rje pa'i nang rten gser gyi sgo mang dang / de nyid kyi bzhugs gnas gtsugs lag khang gi gser thog chen mo la sogs pa bzhengs te/ mdor na nyin re zhing yang 'byor pa'i khyad par tshad med pa phyag tu babs pa rnams kyang rang don du til 'bru tsam yang mi 'dzin par dkon mchog gsum mchod pa dang / phongs pa rnams la ci dgar sbyin par mdzad pa yin la/ de'i rnam smin gyi 'bras bu dpal 'byor yang tshad med pa mnga' ste/ snga phyir gsung rab la'ang bka' 'gyur ro 'tshal drug gis sna drangs pa'i mthun snang du grub pa'i 'bul ba la byung ba'i gser chos nyis stong brgya nga bdun gyis gtsor byas grangs las 'das pa dang / zang zing la'ang se chen gyis snga phyir dngul bre stong rwa can lan gnyis phul bas thog drangs pa brjod par mi nus pa'i longs spyod 'bul ba byung zhes grags so/
Bestowing Ordinations
/gzhan yang tshul khrims kyi bslab pa'i sgo nas kyang 'gro ba mang po'i don mdzad de/ snga phyir rang nyid kyis dge slong pha ma dang / dge tshul pha ma stong bzhi brgya nyi shu rtsa lnga'i mkhan po mdzad/ nyid kyi slob