[A:100]ma 'dul 'dzin chos kyi mgon po zhes bya bas smon rtser lo gcig gi nang du/ rgya'i dge slong dang dge tshul dgu brgya dang bzhi bcu rtsa bdun gyi mkhan po byas te/ de rnams las brgyud pa las byung ba'i rab tu byung ba mang pos phyogs thams cad du khyab par gyur to/ /ting nge 'dzin gyi bslab pa la'ang phyi rol du mkhas pa'i bya ba rgyun mi 'chad par mdzad kyang / nang du ting nge 'dzin la g.yeng ba cung zad kyang mi mnga' bas yi dam lha'i zhal gzigs pa dang / 'od gsal rgyun mi 'chad pa dang / mngon par shes pa la sogs pa'i yon tan dpag tu med pa mnga' ste/ skyid grong gi jo bo'i drung du byon pa'i tshe mnal lam du rje btsun spyan ras gzigs dbang phyug zhal gzigs pa la/ mnal lam du bstod pa mdzad pa dang / yang chos rje pa mar gshegs pa'i lam du yang dgon pa dang mjal te bla ma ni mar gshegs par gda'/ bdag cag slob ma rnams la phyag dang bsnyen bkur byed pa dang / mos gus kyi gnas su gyur pa'i sku tshab cig 'tshal bar gda' ba la/ dbon po 'di pa yang dag cig lags sam zhus pas dbon po rnal ma lags gsungs nas/ bla ma 'di pha tshad na snod cig 'dug pa la bsnyes nas spyan ma btsums par mnal du song 'dugs pa bstan te/ 'od gsal zin pa'i rtags lags/ spyir nged kyi mi rgyud rnal ma la 'od gsal cung zad re rgyun mi 'chad du yong ba yin gsungs pa dang / rgya gar gyi paNDi ta gho taM bha dra la mtshan mo rmi lam ji ltar byung ba thams cad bdag nyid chen po 'dis mngon par shes pas mkhyen nas nangs par paNDi ta la gsung byon pa'i tshe paNDi ta ngo mtshar bar gyur nas/ ma hA gu ru la mngon par shes pa a tshe zhes