[A:53]sde btsan byung ngo / /de yang blon po chen po dang zhang khri 'bum rje stag nya la sogs pas rgya drug spang skong nas 'jal dum tshus gsol te/ chu pho stag gi lo la rgya dang 'jal dum byas/ chu mo yos bu'i lo la hor dang 'jal dum byas te/ chu pho stag gi lo 'di phan chad la sangs rgyas mya ngan las 'das nas lo nyis stong dgu brgya lnga bcu rtsa lnga lon te/ slan chad kyang de bzhin du brtsi'o/ /de nas me pho 'brug gi lo la bru sha yul gyi bdun pa shib pe lcog ma tshal du stod kyi chos kyi gzhi 'dzin bande chos kyi blo gros dang / zhang skyin sum rje la sogs pas btus pa'i dus su brtsis pa na lo nyis stong dgu brgya drug cu rtsa dgu lon/ de nas shing mo glang gi lo la gtsang dang g.yon ru btsan po/ khri dpal 'khor btsan gtsang la stod grom pa'i lha rtse na bzhugs nas yab kyi 'ded mdzad pa'i dus na brtsis pas/ sum stong sum cu so brgyad lon no/ /de'i dus na rgyal po mgon spyon 'phan yul brag mkhar na bzhugs so/ /chu pho 'brug gi lo la lcog ma yul gyi sbed
sgeg mo zer
mkhar du stod smad kyi yab mched gdan 'dzom pa'i dus su mol pa chen mo mdzad tum yul pa rgang gi dben pa gsar du btsugs pa'i dus su brtsis pa na lo sum stong chig brgya nyi shu rtsa lnga lon no/ /de nas me mo 'brug gi lo la lha bla ma yab sras dben gnas sa sgam byams srin gling du zhal 'dzom/ lha sras gcung lha 'khor rab tu byung / gu ge yul na gnas pa'i bangs zhang zhung gi chems kyi 'khos chen po mdzad pa'i dus su brtsis pa la lo sum stong chig brgya bzhi bcu zhe dgu lon te/ slan chad kyang de bzhin du brtsi'o/ /de ltar brtsis ba las lo bzhi bskyed pa ni rgya gar gyi rgyal po rnams kyis brtsis pa dang / rgyal po khri gtsug de man chad ka ma la shI las bsam yas su brtsis pa dang mthun/ de nas lcags pho byi lo la khri gtsug ldai btsan nongs phan chad lo bcu dgu bsnan/ de nas dan tig tu me mo glang lo la slob