pa'i mtshan gsol/ sa skyar grwa skor mdzad cing / rdo'i seng ge la chibs pa dang / rnga chen brdung ba sogs kyis phyir rgol gyis mi 'jigs pa'i dril bsgrags/ mkhas pa'i grags dkar phyogs mthar khyab/ bal yul mchod rten rnam gsum la phyogs las rnam par rgyal ba'i dngos grub zhus pas gnang ba thob/ ngor gyi dpon slob yun ring bzhugs skabs sde dge chos rgyal dbus byon rkyen gyis lha ldan smon lam chen por maNDal rgyas bshad dang pod chen lnga'i dam bca' bzhag /yum rgyas pa thugs nas gsungs pas/ rgyal bas yongs 'dzin gyi cho lo stsal/ skyabs mgon tshul khrims rgya mtsho la tshe sgrub dang / rgyal po stag tshal la sgra gzhung phul/ lcags po rir sman gyi rgyud bshad mdzad/ ser 'bras dga' gsum gyis rang gi bla ma bzhin du bkur/ dgung grangs bzhi bcu nang ngag dbang blo gros bzang po'i rjes su ngor chen gyi khrir pheb nas lo bdun bzhugs ring / sdom pa gsum dang / gsung ngag rin po ches gtsos zab chos rgya mtsho tsam gsungs pas/ gsung las skyes pa'i slob ma byams pa dpal ldan bzang po/ ngag dbang blo gros bstan 'dzin/ zhabs drung bsod nams bstan 'dzin/ 'jam dbyangs shes rab rgyal mtshan/ 'jam dbyangs nam mkha' rgyal mtshan/ ngag dbang bsod nams rgyal mtshan/ 'jam dbyangs shes rab rgya mtsho/ 'jam mgon ngag dbang legs grub/ thams cad mkhyen pa 'jam dbyangs mkhyen brtse'i dbang po/ bya bral bsod nams bzang po/ mthu chen 'jam dpal bstan 'dzin/ sogs slob tshogs mtha' klas pa bskrun/ gsung rtsom rigs dbu ma 'jug 'grel dang / sman bla/ gnas brtan mdo chog sogs mang du bzhugs kyang / rang gi yon tan gtsigs med du mdzad pas byin zar shor rkyen sogs kyis dpe rgyun mi bzhugs/ chag med bzhi sogs thugs dam la rtse gcig brtson pas 'od gsal phyag rgya chen po'i ye shes mngon du gyur/ khyad par rje btsun sgrol ma'i cho ga dang bstod pa kho nar thugs nyams su bstar bas 'phags ma'i dgyes zhal 'bral med mjal zhing ye shes gzigs pa'i snang ngor dus gsum gyi legs nyes thams cad ma bsgribs sa ler mkhyen pas/ lung bstan du stsal ba'ang mngon par shes pa la dbang 'byor pa'i rtags su go /sku tshe'i smad du 'dra sku gdung rten che legs bzhengs/ bya bral rnal 'byor pa'i tshul du ngor dang gser mdog can sogs res mos su bzhugs/ dgung lo bdun cu pa la bsnyung gzhi chen por bzhes pa'i tshul bstan skabs/ byams pa kun dga' bstan 'dzin gyis zhabs brtan stsal bzhes rten 'brel dge mtshan las lo gcig sku tshe'i 'du byed byin gyis brlabs/ don gcig par dgongs rdzogs kyi rigs thams cad zhal bkod legs par mdzad de/ lam 'bras kyi sgras 'pho ba'i 'da' kha ma'i rnal 'byor la brten nas dag pa'i zhing du gshegs/ gdung zhugs la phul ba na dbu thod 'phar ba'i dum bur a rang grub tu byon pa sogs mchog dman kun gyi mthun snang du grub/ nyin zhag bdun gyi ring la ngor gyi gling thams cad dri bzang gis khyab pas zag med kyi phung por mnga' brnyes/ mdor na mkhas grub sangs rgyas phun tshogs tshun chod du mkhan chen zhig la mkhas pa'i yon tan bcu phrag rig pa'i ma hA paNDi tar grags shing / grub pa'i rnam thar blo 'das su ston pa 'di lta bu ma byung ba sogs mkhas grub kyi mtshan don dang ldan pa zhig go/
! gdan