[A:20b]mdzad cing bzhugs pa'i tshe/ bdag shes bya rig pa'i gnas la mkhas kyang / rang gi sems ba 'jo ba'i yun tsam du'ang mi gnas pas sems la dbang thob pa'i gdams pa gcig dgos par 'dul snyam nas gnas dben par dpal 'khor lo sdom pa'i nye snying yi ge bdun pa la bsnyen pa 'bum phrag bdun byas pas/ sa g.yo ba la sogs pa'i bltas byung nas shar phyogs su bla ma te lo pa'i drung du songs shig ces mkha' 'gro mas lung bstan to/ /de nas rang gi grogs po la sbran pas rin chen rdo rje na re/ khong yongs rdzogs kyi paNDi tar gyur nas/ ku sa la'i rkang pa la phyag mi 'tshal zer nas 'gror ma nyan/ der slob dpon gyi rgya gar shar phyogs dzwa ra bi ha ra zhes pa der byon te mi thams cad la te lo pa ga na yod dris pas/ la la na re rab tu byung ba'i cha lugs su bzhugs zer/ la la na re rnal 'byor pa'i cha lugs su bzhugs/ res 'dir 'ong res bi ha ri'i gtsug lag khang du 'gro ba yin zer te ma rnyed/ lan cig rims nad 'phrog pa'i lha khang na thams cad chos ston za ba'i tshe/ dge 'dun gyi gral byed pa'i phyi rol na me phung yod pa'i drung du/ mi sngo ba rid pa nyi lhags kyis khyer ba 'dom dkris kyi ras tsam las gos med pa zhig byung ste/ nya ma shi ba kha cig khyer nas me seb tu bcug cing bsregs/ de nA ro pas mthong ste/ 'di ltar ma byed byas pas/ nya bsregs pa chur bcug ste phus btab pas/ ma shi bar gsos so/ /'di nus pa thob pa cig 'dug pas/ te lo pa yin nam snyam pa dang / nA ro pa/ nga te lo pa yin zer/ de la sogs