[A:34a]sam snyam pa la/ shanti pa bzhugs 'dug pa/ 'di a ti sha lags sam byas pas/ tshe dang ldan pa 'di ni/ shanti pa zhes pa mkhas grub chen po a ti sha'i yang bla ma de lags mod zer/ de ltar rje btsun nA ro pa la sogs pa gral gyi dbu la 'dug pa la re re bzhin 'di a ti sha yin nam/ zhes dris pas/ 'di nA ro pa zhes pa ding sang 'gran zla dang bral ba a ti sha'i yang bla ma yin zer/ gzhan du a ti sha ma mthong pas yid zhum pa na/ dus re zhig bi kra ma la'i rgyal po khri bshams pa'i steng na 'dug pa paNDi ta che chung gang la'ang lang ba mi byed par snang ba la/ a ti sha sku gzi brjid che zhing zhal 'dzum chags pa/ cam por gshegs pa cig nang du byon pa dang / rgyal po des khri las langs pas/ paNDi ta dang dge 'dun thams cad kyis ldang ba byas/ gral stod du bzhugs pa mthong bas/ 'di a ti sha yin nam dris pas ci zer/ 'di dpa' bo bzhad pa'i rdo rje zhes pa gnas nges med du byon pa'i paNDi ta gcig yin zer/ 'di la yon tan ji tsam yod byas pas/ 'di'i yon tan gyi tshod nged kyis mi lon zer nas/ a ti sha yin pa la 'chad ma nyan/ de nas nag tshos gtsug lag khang gi sgo drung du/ shes rab snying po'i med kyi thad du/ gzugs ha/ tshor ba ha byas pas/ paNDi ta gzhan rnams cang mi gsung ba la/ jo bo byon zhal 'dzum mdzad de/ tshe dang ldan pa de phal skad yin/ gzugs a/ tshor ba a zer ba yin gsungs/ nangs par de ltar bton pas/ jo bo'i zhal nas/ de yang gyong po cig yong par snang / spyan ras gzigs kyi gsung yin