[A:91] de nas 'phel ba la ngam rdzong snyan brgyud dang / ras chung pa las brgyud pa la ras chung snyan brgyud ces grags te/ mdor na ras chung pas lo don brgyad kyi bar du bzhugs shing / bde mchog snyan brgyud ces pa'i chos zab mo de gtso bor khong gi bka' drin yin/
'ga' zhig bde mchog snyan brgyud ces rdzun ma kho na yin zhing / rje mar pas kyang nA ro pa'i zhabs ma zin ces 'chad pa yod mod/ snyan brgyud zab mo blo yul du ma shong ba'i gtam yin te/ kho bo ltar na/ rje mar pas rgya gar du lan gnyis dang gsum dang lnga byon zhes 'chad pa gang ltar yang / lan dang po byon pa'i tshe na nA ro ta pa'i zhal gyi bdud rtsi ci rigs pa thob la/ lan mtha' ma byon pa'i tshe/ a ti sha mnga' ris nas dbus su byon pa dang lam du mjal zhes pa 'di phal cher mthun la/ jo bo bod la phebs kar nA ro pa zhi bar gshegs pa'i gdung yang jo bo'i phyag tu byon nas/ da lta snye thang na yod ces a ti sha'i rnam thar na gsal nas (bas) de'i tshe mar los tha mal pa rnams dang thun mong du nA ro pa'i zhal mthong ba ma yin mod/ thun mong min pa'i dag pa'i snang ba kho nas/ zla ba gsum gyi bar du/ nA ro ta pa'i zhal gyi bdud rtsi byin rlabs dang 'brel ba'i snyan brgyud kyi bdud rtsi thob pa yin no zhes kho bo smra ste/ bka' brgyud gser 'phreng 'ga' zhig las/ de'i tshe dge tshul shes rab seng ge'i zhal nas/ mar pa blo gros khyod na ning nas mi yong ba'i don ci yod bu byon tsa na pha mkha' spyod la gshegs/ nA ro pa bzhud tsa na kyai rdo rje'i dkyil thang dang / rdo rje dril bu mar pa la byin cig gsungs nas bzhag yod/ snod dang ldan pa la rje btsun da lta yang mjal