[A:95]ding rir phyab phebs pa'o/
de yang dam pa nas brgyud pa'i gcod skor la pho gcod dang mo gcod gnyis las/ dang po ni smang ra ser po nas brgyud pa dang / gnyis pa ni ma gcig nas brgyud pa la zer ro/
ma gcig ni gra pa mngon shes las rab tu byung zhing / dam pa dang skyo bsod nams bla ma gnyis char la gsan no/
zhi byed kyi skor la brgyud pa snga phyi bar gsum gyi dang po ni/ dam pas kha che dznyA na gu hye la gsungs pa'i zhi byed sgrol ma'i skor gsum la sogs pa ste/ dam pa dang kha che gnyis kas ong po lo tsA ba la bshad pa dang / yang kha che bas pu rangs lo chung dang / des dmar chos rgyal la bshad pa'o/
gnyis pa ni bod du lan bzhi pa byon dus dam pa rma dang / so dge 'dun 'bar dang / kam ye shes rgyal mtshan gsum la bshad pa'o/
gsum pa ding rir lan lnga pa me mo glang la phebs nas dam pa 'phyar chen 'phyar chung / dam pa kun dga' sogs la bshad pa'o/ des na dam pa ding rir phebs pa'i me mo glang de/ ga ya bod la byon pa'i lcags sbrul nas lo bzhi'i gong gi me glang de tsam yin pa 'dra snyam mo/
ga ya byon pa'i rjes tsam la pu to ba byon pa yin te sum stong brgya dang don lnga 'das pa'i don drug pa chu mo lug
spyi lo 1043
la pu to ba bltams/ lo 'di phyi dar sa mo bya nas go lnga pa yin zhing / sku mched gsum gyi spyan snga ba sa pho stag lo pa ste/ pu to ba las lo lngas bgres drug cu rtsa drug pa chu lug rmal po zla ba'i nyer gcig la gshegs/