[A:148]
de ltar na phyi dar nyid la bstan pa'i nyin byed lan gsum shar te/ lo chen rin bzang gis/ dar mas bstan pa bsnubs rjes kyi chos min thams cad tshar bcad/ de rjes mgos rngog rnam gnyis kyis blo bar gyi chos log thams cad sun dbyung / de nas bzung ste chos rje sa skya pa chen po grags pa'i mtha' can gyi sku'i tshe'i stod smad lo brgya tsam zhig bstan pa sprin med kyi mkha' ltar gnas pa las/ phyis rang bzo phag mo'i byin rlabs/ yi dam dkrong bskyed/ gtum mo bde skyod/ sems skyed rmi lam (ma)/ sems skyed rku thabs/ bsngo ba yod dge/ dkar po chig thub sogs/ chos min gyi rnam grangs brgya rtsa zhig gi mun rum tshar gcod pa la bstan bcos sdom gsum rab dbye'i nyin byed 'di shar ba yin/ des na deng gi dus na rgyal ba'i bstan pa la lung rigs kyis cung zad dpyad du yod pa 'di pan chen 'di nyid kyi bka' drin yin no/ shes bya rig gnas lnga'i sgo phye ste/ rig pa'i gnas la blo kha chung zhig phyogs pa'i bod kyi gzhon nu blo gsal dag la panDi ta zhes pa'i mtshan tsam gyis kyang kha ba can 'di dkar por byas pa min nam/ de yang phyi dar la lo chen rin chen bzang po'i sku ngo la/ rmal lo tsA bas tshad ma la bshad pa cung zad mdzad cing / khyung po grags ses kyang tshad ma bshad de tshad ma rnying ma zhes pa'i bstan pa cung zad dar/ de rjes rngog lo chen pos tshad ma rgyan dang chos mchog gtso bor bton te tshad ma gsar ma zhes bya ba'i bstan pa spel/ de nyid kyi dngos brgyud kyi slob bu dag gi rang bzor sgro btags pa'i tshad ma'i bstan pa ha cang dar ches pa'i tshe/ dag ma dag gi rab dbye legs par phye ste/ sde bdun gyi snying po gsal bar ston pa'i tshad ma rigs pa'i