[A:4]pas mdzad pa'i rgyal rabs kyi yi ge gnyis rgyab rten gyi lung tshad mar byas/ mtshungs med rdo rje rgyal mtshan gyis mdzad pa'i dus gsal gyi rtsa ba dang / re mig tu bkod pa'i rang 'grel dang / thugs sras byams pa dkon mchog dpal gyis mdzad pa'i re mig ste/ rtsa 'grel de gsum gyis gsal byed kyi mig byas/ mkhas pa gzhan dag gis mdzad pa'i bstan rtsis dang / lo rgyus dang rnam thar sogs su bkod pa'i 'khrul pa'i dri ma rnams dngos stobs kyi rig pas sun phyung / 'khrul med kyi zhib cha cung zad kyis zur nas kha bskangs te 'chad par bzhed pa yin la/ brjod bya'i don ni/
bstan pa'i gnas tshad bshad nas bstan pa dar ba'i rim pa bshad pa/ bstan 'dzin gyi skyes bu ngos bzung nas bstan pa la bya ba mdzad pa'i tshul bshad pa/ bstan skyong gi sbyin bdag ngos bzung nas sku tshe'i tshad bshad pa/ bstan pa'i gnas gzhi ngos bzung nas ngo mtshar gyi rten byon tshul bshad pa dang bzhi yin zhing / de la yang 'phags yul dang gangs can gnyis su phye/ gangs can la yang snga dar dang phyi dar gnyis su phye nas 'chad par byed pa yin no/
de yang bstan pa'i gnas tshad gtso bor bshad nas/ gzhan gsum zhar byung gi tshul du 'chad par byed pas/ thog mar gnas tshad bshad na gsum/ ston pas chos 'khor bskor ba'i tshul/ bskor ba'i bstan pa ngo yis gzung / bzung ba bstan pa'i gnas tshad bshad pa'o/
dang po gnyis re zhig bzhag nas gsum pa 'chad pa la gsum/ so so'i lung las bshad tshul 'god/ bshad pa'i snying po ngo yis gzung / snying