[A:179]
des na rje 'di karma rang byung rdo rje dang mjal te rang stong pa'i grub mtha' bzung bas/ karma pas phyis gzhan stong par 'gyur bar lung bstan zer/ spyir gzhan stong pa'i lugs thog mar karma rang byung rdo rjes bzung bar sems/ jo nang du ni kun mkhyen chen po man chad gzhan stong par song ba yin no/
'on kyang jo nang thog mar 'debs pa po ni/ jo nang kun spangs zhang thugs rje brtson 'grus shes rab grags pa de yin te/ chu mo yos kyi lo byang mdog stod ngab byar spangs khang du byon/ 'phags pa rin po che las lo brgyad kyis gzhon/ bar pa 'jam dbyangs bzhi thog pa rin chen rgyal mtshan la lam 'bras gsan/ chos sku 'od zer la sbyor drug sogs gsan/ rkyang 'dur du 'chad nyan yang mdzad/ phyis 'chad nyan bskyungs te sgom la zhugs te kun spangs par grags slar jo nang gi dgon pa btang / bshad sgrub spel mar gnang bas kun spangs bu bzhir grags pa byon te/ byang sems rgyal po ye shes/ las stod pa dbang rgyal/ mun me brag kha ba grags pa seng ge/ ston pa kun rgyal rnams so/ las stod dbang rgyal dang / jo nang kun spangs ni lam 'bras bsres brgyud kyi skabs su mtshan smos pa de yang yin no/
brag kha ba grags pa seng ge ni/ las stod byang gi rgyal sde thang dkar byon/ khro phu sems dpa' chen po dang / bu ston seng ge 'od las bsnyen par rdzogs/ sa skyar phya rub seng ge dpal la rnam 'grel dang / jo nang kun spangs pa dang / byang sems rgyal ye la sbyor drug sogs gsan/ lo gya dgu thug bzhugs/