[A:186]yin zhing / bdag nyid chen po'i sras dgu'i tha chung yin no/
de yang 'jam dbyangs don yod rgyal mtshan ni/ rang lo nyer gnyis pa'i tshe/ gcung bla ma dam pa dang gnyis bo dong bya rgod gshong rnying pa'i gtsug lag khang du/ tshogs pa'i mkhan po bsod nams grags pa dang / slob dpon dpal ldan seng ge las bsnyen par rdzogs/ gdul bya dag pa la 'jam dbyangs seng ge'i zhabs pad brten par yang mthong / so bzhi pa sprel lo zla ba lnga pa'i tshes bcu gcig la gshegs so/
'di nyid lo chen byang rtse las lo bdun gyis gzhon zhing / rab tu ma byung gong gi sras bla chen kun dga' rgyal mtshan/ de'i sras 'jam dbyangs nam mkha' rgyal mtshan/ de'i sras bdag chen blo gros rgyal mtshan/ de nyid ni rgyud pa gsum ldan gyi gsung ngag rin po che'i bdud rtsi ngoms par gsol ba/ kho bo cag gi rgyud pa'i gtso bor byed pa yin no/
Bla ma dam pa
sum stong bzhi brgya dang zhe bzhi 'das pa'i zhe lnga pa chu pho byi
spyi lo 1312
lo chos rje bla ma bsod nams rgyal mtshan bltams/ gzungs pa las lo drug gis gzhon/ lo gsum pa'i tshe bla ma bzang po dpal la 'jam dbyangs kyi lung nod nas bsnyen pa mdzad pas thogs med kyi spobs pa brnyes/ bcu gcig pa la bla chen kun blo bod du bsnyen rdzogs byon pa la dge bsnyen zhus/ bcu bdun pa la mkhan chen bsod grags las rab tu byung / nyi shu pa la bya gshongs rnying par bsnyen par rdzogs/
yongs 'dzin gyi dam pa dpang lo/ bu ston/ lo chen byang rtse/ rgyal sras thogs med/ dam pa brag phug pa/ brag phug pa bsod nams dpal/