[A:193]bzang po/ karma de bzhin gshegs pa/ karma mthong ba don ldan/ smra ba'i seng ge rong ston chen po sogs so/
des na da lta'i shing byi 'di/ rgyal sras thogs med byon pa'i shing mo lug nas nyis brgya dang bdun cu pa lo chen byang rtse'i chu mo yos nas nyis brgya dang re gnyis pa/ chos rje bla ma dam pa'i chu pho byi ba nas nyis brgya dang gsum pa/ gnyag dbon byon pa'i lcags sbrul nas nyis brgya dang nyi shu rtsa bzhir sleb pa yin no/
g.Yag ston Sangs rgyas dpal
mkhas pa'i dbang po g.yag phrug sangs rgyas dpal zhes grags pa yang / gnyag dbon dang rigs lam smra ba thog mtshungs shing / 'di las sku cung zad gzhon la
mkhan chen g.yag pa lcags pho stag lo pa ltar na gnyag dbon las lo dgus gzhon par mchis so/
rje btsun red mda' pa las cung bgres pa shig yin la pan shAka pa'i gtam gyi rol mtsho las/ bu ston lcags pho stag lo 'khrungs pa'i re gcig pa lcags pho stag lor g.yag pa 'khrungs/ de'i nyer brgyad pa me lo lug la rong ston 'khrungs zhes bshad 'dug
de yang rtse thang ga gi chen po byang chub rin chen sras yin pa la/ rnam pa de nyid kyi nye gnas g.yag yu zhes pa'i sras su ngos blangs pas na/ g.yag phrug ces grags la/ 'khrungs yul dngos ni sa skya 'phrang zhes bya ba de yin zhing / dpal ldan sa skya dang rtse thang sogs su gsan sbyong mdzad/ sa skya'i mkhas dbang brtson 'grus dpal la gtso bor brten nas mdo la sbyangs shing / gon gyo ye shes la gsung ngag sogs gsan/ bu dol gyi slob ma nya brtson gnyis/ nya brtson gnyis kyi slob ma g.yag gzhon rnam gnyis zhes bstan