[A:194]pa'i gsal byed dam par gyur/ dbus gtsang gi mkhas grub gong ma'i bsti gnas so sor/ mkhas pa'i slob grogs ha cang mang ba min pa zhig la 'chad rgyun bsrings/ rgyun 'dzin mkhas pa rong ston smra ba'i seng ge dang / red mda' pa chen po/ gzhon nu rgyal mchog sogs bsam gyis mi khyab pa zhig byon la/ 'di nyid mus chen sems dpa' chen po'i nyer bdun pa shing pho rta lor dga' ldan du gshegs zhes 'byung bas/ red mda' pa chen po zhi bar gshegs pa'i chu pho 'brug gi yang phyi ma'i rta lo de yin par sems so/
des na mkhan chen g.yag pas don lnga bzhugs te/ lcags pho stag la bltams nas shing rta la gshegs pas so/
sum stong bzhi brgya dang brgyad cu 'das pa'i gya gcig pa sa pho byi
spyi lo 1348
lo mnyam med red mda' pa chen po bod kyi blon po mgar stong btsan gyi rgyud du/ dpal ldan sa skya dang khad nye ba'i red mda' khab sor byon/ gnyag dbon las lo bdun gyis gzhon no/ theg chen chos rje las lo gcig gis bgres/ lo bco brgyad pa la sa bzang ma ti'i drung du/ tshigs snga ma gnyis nod de mtshan gzhon nu blo gros zhes gsol/ thog mar dpal ldan sa skyar/ mkhas pa nya dbon dang / mkhan chen sangs rgyas 'phel ba'i drung du tshad ma/ dpal ldan bla ma dam pa'i drung du phar phyin/ lo chen byang rtse las mngon pa gong 'og/ rgyal sras pa'i drung du blo sbyong / mdog lo pa mkhan chen kun dga' dpal las bsnyen par rdzogs shing / 'dul ba gsan/ mkhan pos stod 'dul gyi sdom rgyud 'di ma chad cig gnang dgos zhes bka' stsal phebs zer mod/ stod 'dul ba'i bshad rgyun ma gtogs sdom rgyun rang du