[A:199]rings su yang lo bskor gcig tsam bzhugs/ gzhan yang / byi ru'i gshed dmar %gshed snying% gi 'jigs byed (sa skya'i gdung rabs nang sher shing gi 'jigs byed ces gsal/ sgrig pa pos) gse'u thags kyi thang sku gnyis/ za 'og thogs gnyis la sogs pa bsam gyis mi khyab pa phul/ slar re drug pa rta lo la gong nas bteg/ re bdun pa lug lor dpal ldan sa skyar phebs te/ don bdun pa shing mo sbrul gro zhun zla ba'i tshes bcu'i nyi shar la dag pa'i zhing du gshegs so/
slob ma'i mchog ni kun dga' rgyal mtshan 'jam dbyangs grags pa'i dpal lo/
sum stong bzhi brgya dang gya dgu 'das pa'i dgu bcu pa me mo bya
spyi lo 1357
la shar tsong kha pa blo bzang grags pa mdo khams su byon/ chos rje bla ma las zhe lngas gzhon/ red mda' pa chen po dang / theg chen pa las rim bzhin lo dgu dang brgyad kyis gzhon no/ 'di nyid lo bdun pa la mdo khams pa don grub rin chen las rab tu byung / don grub rin chen de ni/ bcom ldan rig ral gyi bu chen ldong ston rigs pa'i seng ge'i slob ma yin zer/ dgung lo bcu drug pa la dbus gtsang la byon/ grwa sa bde ba can du snye thang pa bkra shis sogs las [phar] phyin sbyangs/ bcu dgu pa la gsang phu sogs su grwa skor gnang / gtsang phyogs kyi zha lu/ snar thang / sa skya sogs su byon/ sgra tshad pa rin chen rnam rgyal dang / ma ti pan chen sogs la zab chos gsan grwa skor yang mdzad/ la stod byang gi bzang ldan ngam ring 'ga' rong sogs su grwa skor mdzad/ jo nang du phyogs las pa la sbyor drug gsan/ bo dong du grwa