[A:205]'grel gyi grwa skor mdzad/ bo dong er dbyangs can ma bsgrubs pas/ rgyud mangs kyi sgra las zab rgyas kyi chos tshul nod de/ phyi nang gi mdzad 'phrin ma lus pa sad pas dbyangs can dga' ba'i dpal zhes grags/ dgung lo nyer gsum pa la/ rtse thang dang gsang phur pu ti bco lnga'i grwa skor gnang bas mkhas pa'i grags pas khyab/ de'i tshe gsang phur mkhan chen g.yag phrug sangs rgyas dpal dang / rigs gter gyi dgongs pa/ rang rig yul yod med la rtsod pa'i tshe/ mkhan chen pas rang rig yul med du zhal gyis bzhes pa la/ rje 'dis/ rang rig chos can/ rang gi gzhal bya mi bslu ba'i rig par thal/ tshad ma yin pa'i phyir/ 'dod na khyod kyi yul yod par thal lo zhes dang / mkhan chen pas gzugs sgra ka bum sogs rtag par khas blangs pa la/ ka ba chos can/ khyod kyi gzugs med par thal/ khyod rtag pa yin pa'i phyir zhes pa'i rigs pa'i sgo nas snyan par grags so/ 'on kyang pha rol gyi grub mtha'i go don dang bstun na khyab pa med mtshams de kho na yin pas/ phas rgol pham par gyur pa yang ma yin no/ de nas slar/ e chos kyi 'byung gnas su lo chen grags pas mkhan po dang / rje btsun red mda' pa chen pos las slob bgyis te bsnyen par rdzogs/
des na pan chen 'di'i rnam thar ni bsam gyis mi khyab brjod kyis mi langs na'ang / gtso bo bsdus na rtsod pas phas rgol dregs pa gzhom nus tshul/ rtsom pas bka' bstan bcos kyi dgongs pa bkral tshul/ 'chad pas bstan 'dzin gyi bu slob spel tshul gsum las/
dang po ni/ las stod lhor/ ta'i si tu lha btsan byang rgyab pas mthun