[A:213]chu pho khyi
spyi lo 1382
la dpal ldan sa skya'i bstan 'dzin kun dga' rnam gnyis byon//
(skabs 'di'i 'khrungs lo'i tshig 'gros la gzhigs na kun dga' bzang po sngon dang kun dga' rgyal mtshan rjes la byon par ngos 'dzin dgos 'dra yang / ngor chen kun dga' bzang po 'di nyid byi ba lor sku 'das pa dang / gsham du mus chen gyi lo rgyus skabs mus chen las dgung lo drug gis bgres pa sku 'das pa'i lo de yang me byi lo yin pa gsal por bkod pa des na chu khyi spyi lo 1382
lor bltams/ dgung lo don lnga pa me byi spyi o 1456 lor sku 'das pa kha tshon bcad chog pas thog mar kun dga' rgyal mtshan dang / de rjes ngor chen kun dga' bzang po bltams par ngos 'dzin dgos 'dra ba da dung dpyad par 'tshal/ spe sgrig pas)unauditedde yang rdo rje 'chang kun dga' bzang po ni/ sa skya tshogs kyi nye gnas dpon tshang grums yon tan gyi sras su bltams/ lo dgu pa la/ shar pa ye shes rgyal mtshan gyis mkhan po/ sa bzang 'phags pa gzhon nu blo gros kyis slob dpon mdzad de tshigs snga ma gnyis nod/ de nas bzung ste/ lo nyi shu rtsa lnga bzhes kyi bar du gtso cher shar chen po'i zhabs pad bsten te rgyud man ngag zab chos blangs/ shar chen pas mkhan po/ mkhan chen blo gros dpal bas las slob/ sa bzang 'phags pas gsangs ton bgyis te bsnyen par rdzogs par mdzad/ rdor dkar gdan gcig kho na mdzad cing nyes rdung gi dris mas dben/ gzhan yang sa bzang 'phags pa gzhon nu blo gros la rdo rje 'phreng ba sogs rgyud sde'i bshad srol mang du gsan/ mkhan chen g.yag pa la rnam rig sogs rigs pa'i gsang tshig gnad du dril ba gsan/