[A:11]bstan pa'i mdo dang / klu sgrub sogs lung bstan pa'i lung dang / rgyal rabs sogs bsgrigs pa'i lung rigs dang 'gal ba'i phyir ro/ zhes gsungs/ 'di la phyis kyi mkhas pa cung zad rnam dpyod ldan pa kha cig na re/ dus 'khor lugs kyi bstan rtsis ni rnam par dag pa'i 'khrul med kho na yin la/ pan chen shAkya shrI'i lugs kyang de dang cung zad nye bas mi 'thad pa cher med la/ sa lugs dang jo bo'i lugs gnyis ni ches mi 'thad de/ klu sgrub kyis rdo rje gdan gyi ma hA bo dhi la bdag rkyen mdzad par bshad pa'i dus bsgrigs na yang mi 'grig 'dul ba'i mkhan brgyud gsar rnying dang / bod kyi rgyal rabs sogs kyi dus bsgrigs na yang mi 'grig pa'i skyon yod pa'i phyir/ skyon dang po 'di ltar yod de/ khyod kyi lugs la rdo rje gdan gyi ma hA bo dhi ni/ ston pa 'das nas lo stong dang lnga brgya lhag pa'i dus su byon par khas len dgos la/ ston pa 'das nas lo bzhi brgya na klu sgrub byon/ des lo drug brgya bzhugs nas mya ngan las 'das pas/ ston pa 'das nas lo stong lon pa'i tshe klu sgrub 'das nas mi bzhugs pa gang dag gi/ klu sgrub kyis rdo rje'i gdan la rdo'i ra bas drwa mig gis bskor ba sogs ma hA bo dhi la bdag rkyen mdzad do zhes kyang grags pa'i phyir ro/
skyon gnyis pa ni 'di ltar/ khyod kyis ston pa 'das nas lo nyis stong lnga brgya na gdong dmar can gyi yul du dam pa'i chos rgyas par lung bstan pa'i gdong dmar can de bod yin na/ de nas lo nyis stong lnga brgya lon pa'i dus de/ mkhan po dpal sbas byon pa'i dus tsam yin dgos te/ klu sgrub mya ngan las 'das nas lo stong thim pa yin la/ de nas legs ldan 'byed/