[A:234]bshad pas/ kun mkhyen chos rje 'dus tshogs dang bcas pa legs bshad bdud rtsi'i mchod pas mnyes te/ 'bum phrag gsum pa zhes mtshan gyi shis brjod snyan pa'i glu dbyangs su zlos/
sgra pa shes rin dang / shangs pa kun dga' dpal ldan la sgra ka tsan sogs rig gnas che chung la sbyangs pas paNDi ta zhes snyan par grags/ sum cu pa rta lo'o/ kun mkhyen go rab 'byams pa zur 'chad ba'i skabs su/ byams chen chos rjes mkhan po/ go rams chen pos las slob/ zha lu ba dka' bcu pas dus go ba mdzad de/ 'jam dbyangs chos rje sogs mang zhig dang mnyam du bsnyen par rdzogs/
rta lo de nyid kyi dbyar chos la/ rtse thang sogs su gzhung lugs drug cu'i bshad pa'i dga' ston spel/
so gcig pa lug'uga lo dgun chos la dpal ngam rings su sher phyin stong phrag brgya pa la bshad pa'i srol chen po btod/ lug lor dbyar chos lho shel dkar du bshad pa'i chos sbyin rgyas par bstsal/ so gnyis pa sprel lor glo bo smon thang gi chos sder 'bum gyis gtsos pa'i gzhung lugs brgya la mkhas pa'i dga' ston bsgrubs/ chos rgyal a mgon drung du/ gdan du 'os pa'i mtha' cad dang / 'bol grub dang / sum stan mnyel 'bol gyi khri la rim bzhin 'bul gyi glegs bam ka pa/ kha pa/ ga nga gnyis rnams mgrin pa'i dpal nas bkod pas/ rgyal blon 'bangs bcas ngo mtshar gyi dpal la bkod pas/ po ti lnga pa man chad gsung nas sgrogs pa dang / rgyal blon gyis thog drangs blon po lung gang gi skal ldan rnams la 'bum gyi lung bshad pa'i dga' ston phyogs gcig tu gnang bas/ rgyal blon kun gyis zhabs sen spyi bor blangs shing 'dod rgu'i mchod pa rgya cher phul/
so gsum pa bya lor shar lam mus chen drung du