[A:256]med/ /rig gnas che chung shes bya'i gnas rnams la/ /blo gros rtsal du thon cig grogs po dag /ces gsungs pa ltar/ sgra rig pa/ gtan tshigs rig pa/ bzang rig pa/ gso ba rig pa/ nang rig pa ste lnga po la legs par bslab dgos pa yin no/ /
'o na de lnga la slob pa las dgos pa ji lta bu snyam na/ tha snyad tshig gi cha la legs par sbyangs pas/ de nyid mkhas par shes pa na/ tshig gi cha la log rtog zhugs pa thams cad tshar gcod par byed pa dang / mngon gyur sogs don gyi cha la legs par sbyangs pas de'i tshul bzhin du shes na don la log rtog zhugs pa thams cad sun 'byin nus pas/ rig gnas dang po gnyis shes na rgol ba ngan pa gzhan dag tshar gcod pa dang / bzo gnas sku gzugs kyi cha tshad dang / gser 'gyur gyi rtsi la sogs pa shes pas skye bo 'byor pa can dang / dbul phongs rnams kyi don byed cing / gso ba rig pa'i gnas tshul bzhin du shes pas sems can nad pa sdug bsngal gyis nyen pa rnams rjes su bzung ba'i phyir rig gnas bar pa gnyis dang / rang nyid kun shes mkhas pa'i go 'phang bde blag tu thog par bya ba'i phyir rig gnas lnga la legs par bslab dgos pa yin te/ gzhan dag tshar gcod rjes su gzung phyir dang / bdag nyid kun shes bya phyir zhes gsungs pas so/ /byams mgon gyi gzhung 'di nyid la rje btsun lo tsA ba chen po 'gyur med bde chen gyi bzhed pas/ 'phags mchog gis kyang zhes pa ni cung zad mi 'thad de/ 'phags mchog rnams kyis rig gnas la sasbyang mi dgos shing gzhung 'di'i don du yang / ka tanyi zhes pa cing kyang gi skad dod yod pa yin gyis