[A:257]gis kyang zhes pa'i skad dod kyang med pa'i phyir/ des na gzhung gi 'bru gnyer ba'i tshe 'khor du gnas pa'i 'phags mchog rnams la 'phags mchog ces bos nas/ thams cad mkhyen pa'i go 'phang thob par byed na cis kyang rig gnas lnga la sbyang dgos zhes gsungs/ thams cad mkhyen pa mang thos klu sgrub rgya mtsho'i bzhed pas/ de lta bu'i dgos pa ni rang gi blo tshod du/ 'phags pa mchog gis rig gnas la sbyang mi dgos so snyam pa shar ba'i tshod dpag las yin mod/ 'dir skabs kyi 'phags pa ni byang sems 'phags rnams yin pas/ de rnams sa yongs sbyongs kyi skabs su shes bya'i gnas thams cad la slob dgos par bshad yod pas/ 'phags pa dman pa nyan rang las ches mchog tu gyur pa'i byang chub sems dpa' sar gnas rnams kyis kyang thams cad mkhyen pa thob pa'i phyir du rig pa'i gnas lnga la slob dgos na/ so skye'i blo gsal rnams kyis rig gnas la slob dgos pa lta smos kyang ci dgos zhes pa'i don yin gsungs te/ bla na med pa'i bshad tshul yin no/ /
byams pa'i gzhung 'di nyid kyis rig gnas lnga'i go rim dang / thog mar gang nas 'jug gi rim pa yang log smra tshar gcod pa'i yan lag gnyis thog mar bstan/ don gnyer rjes su 'dzin pa'i yan lag bar du bstan/ nang rig pa rjes su ston par mdzad pa las tshad mar ci yang ma mdzad par/ rig gnas kun shes las/ rig gnas dang po don gnyer rjes 'dzin te/ /bstan pa gnas phyir dkon mchog gsum gyi rten/ /bzhengs bar 'dod pa'i 'byor ldan lhag bsam can/ /rgyal bas bstan 'dzin nyid du lung bstan zhing / /zhes bya ba la sogs pas bzo rig rig gnas dang por mdzad pa ni cung zad mi