[A:14]pa me mo lug gi lo
spyi lo 407
bod kyi rgyal po tho tho ri snyan btsan gyis dgung lo drug cu bzhes pa'i tshe dam pa'i chos kyi glegs bam byung ba la ngos bzung ba yin la/ de dus mkhan rabs kyi dbang du byas na mkhan po zhi ba 'tsho'i sku ngo yin te/ dam pa'i chos kyi glegs bam de yang khong gis rgya gar nas spyan drangs pa yin la/ khong gis de nas bzung ste/ btsan po khri srong lde btsan gyi bar du bzhugs nas 'gro ba'i don mdzad ces mkhas pa dag gis 'chad pa'i phyir ro/
gnyis pa rgyas par bshad pa la/ 'phags yul du bstan pa ji ltar byung ba'i tshul/ bod gangs can du ji ltar byung ba'i tshul lo/
dang po la gnyis/ ston pa zhal bzhugs pa'i dus ji ltar byung ba'i tshul/ ston pa sku mya ngan las 'das nas ji ltar byung ba'i tshul lo/ ti'u ra pa'i dus 'khor gyi chos 'byung las/ ston pa so lnga pa la rnam smin gyi lus bzhag nas ye shes kyi lus 'og min du mngon byang lngas sangs rgyas slar rnam smin lus la zhugs nas so drug pa la rdo rje gdan du sangs rgyas zhes bshad do/
dang po ni bdag cag gi ston pa chu pho stag gi sa ga zla ba'i tshes bco lnga la sangs rgyas pa yin la de'i tshe btsun mo grags 'dzin ma la sras sgra gcan 'dzin dang / ston pa'i phu bo bdud rtsi skyes kyi sras su kun dga' bo yang bltams te/ de'i tshe zla ba sgra gcan gyis zin pa dang / bdud rnams kyis ston pa sku nongs so zhes bsgrags pa la de ltar ma yin te/ ston pas bdud rtsi bsnyes so zhes rgyal po zas gtsang ma mched rnams kyis thos pas/ rgyal