[A:258]'thad par mngon no/ /
de ltar rig lnga las kyang thog mar sgra rig pa la slob dgos te/ brjod bya'i don rtogs pa ni rjod byed kyi tshig la rag las shing / de'i tha snyad rtogs pa yang sgra rig pa la rag las pa'i phyir ro/ ji skad du yang slob dpon 'phags pa klu sgrub kyis/ tha snyad la ni ma brten par/ /dam pa'i don ni rtogs mi nus/ /dam pa'i don ni ma rtogs na/ /mya ngan 'das pa'i thob mi 'gyur/ /zhes gsungs pa ltar ro/ rgyu mtshan de dag gi phyir na/ don dam pa'i bden pa rtogs pa'i thabs su tha snyad sgra rig pa'i gzhung lugs la legs par slob dgos pa yin no/ /
ji ltar slob pa'i tshul la yang gnyis te/ sgra rig pa ji ltar byung ba'i tshul dang / ji ltar byung ba'i sgra rig pa bshad pa'o/
dang po la lnga/ rgyal bas gsungs tshul/ rgyal sras kyis mdzad tshul/ lha yul du byung tshul/ rgya gar du dar tshul/ bod du 'gyur tshul bshad pa'o/
dang po ni/ mkhas pa'i dbang po sgra pa shes rin pas rig gnas kun shes las/ gsum pas tshig la 'khrul pa sel ba'i phyir/ /de la log par smra ba tshang gcod byed/ /sgra rig de bzhin gshegs pas gsungs pa ni/ /nges tshig so so yang dag rig pa yi/ /yi ge dbri dang bsnan dang bsgyur ba dang / /tshig gi rnam dbye sogs kyi rnam 'gyur ro/ /khyad par rnga bo che yi mdo las ni/ /byings dang ming dang kun bshad nyer bsgyur dang / /kr-ita dang de phan gyis bsdus sgrub pa rnams/ /rgyal ba'i gsung rab las 'byung gsal bar gsungs/ /zhes gsungs pas/ yang dag par rdzogs pa'i sangs rgyas kyis gsungs tshul ston pa