[A:259]yin te/ de la spyir nges don par rlom pa rtsing por gzu lums su spyod cing / tha snyad kyi bden pa la rgyab kyis phyogs pa dag na re/ sgra rig pa'i gzhung lugs ni/ rig pa'i gnas thun mong ba tsam yin zhing / lhag par phyi rol pa'i drang srong dag gis bshad pa la gtso bor brten pa yin gyi/ yang dag par rdzogs pa'i sangs rgyas kyi gsung rab rnams las gsal bar mi 'byung zhing / bslab par bya ba'i gnas kyang ma yin no snyam du sems shing / de skad tshig tu yang smra bar byed do/ /unaudited
'di ni 'thad pa ma yin te/ gal te khyod kyi 'dod pa gzhir bzhag na thun mong ba'i rig gnas dang / lam la slob tu mi rung zhes par song la/ de lta ni khyed rang gi lag len dang dngos su 'gal ba ste/ khyed rang yang tshangs pa'i gnas bzhi bsgom zhing / de'i nang nas phyi rol pa dang thun mong ba'i chos med par khas len dgos shing / khyad par grub mtha' bye brag smra ba nas bzung ste/ dbu ma pa'i bar gyi zhi lhag gi nyams len dang / bya rgyud nas bla med kyi bar gyi zhi lhag gi nyams len spyir bshad pa rnams dang / lhag par snying po'i bcud phyag rgya chen po bsgom pa'i tshe/ lhag mthong gi rten gzhir gyur pa'i zhi gnas shig bsgom mas mi bsgom/ bsgom na ni phyi rol pa dang thun mong ba'i nyams len khyed rang yang byed bzhin par ma song ngam/ legs pas soms shig /gal te de la kho na re/ zhi gnas tsam sgom yang lhag mthong dang byang chub kyi sems la sogs pa'i khyad par yod do zhe na/ kho bo cag kyang de skad smra ba yin te/ sgra rig tsam thun mong yin kyang / lhag bsam byang chub kyi sems dang / gang la skyabs su 'gro ba'i gnas dang / thos