[A:271]mchog sred la legs par bslabs so/ /'on kyang cung zad ma rdzogs pa las slob dpon sapta warma las blangs pa yin no/
de la slob dpon mchog sred kyi lo rgyus ni/ sangs rgyas kyi bstan pa la mngon par dad pa'i bram ze las drug la brtson pa/ 'phags pa klu sgrub na landa'i mkhan po mdzad pa'i tshe mdzada' bshes su gyur pa zhig ma ga dha'i shar phyogs ra ra'i yul na yod pa las/ des lo bcu gnyis su 'phags pa spyan ras gzigs kyi sngags bzlas shing / mthar gser 'bum phrag bzhi'i yo byad sbyin sreg tu phul bas 'phags pa spyan ras gzigs zhal mngon sum du bstan nas/ khyod ci 'dod gsum ba la/ bdag grub pa chen po brgyad kyis sems can gyi don bya bar 'dod pas nag po chen po mngag gzhug tu 'tshal zhus pas de bzhin du gnang nas/ deng phyin chad du rig sngags thams cad ji ltar 'dod pa bzhin du grub cing / ri lu la sogs pa grub pa brgyad po stong phrag res sems can rnams la phan btags so/ /grub pa thob pa stong phrag brgyad po de dag kyang khong la bla mar 'dzin/
rig pa mtha' dag kyang ma bslabs par rang shes so/ /
de nas nub phyogs kyi yul du song nas rgyal po sandi wa ha na zhes bya ba longs spyod chen po dang ldan pa'i yul du gnas so/ /der yang sngags dang rgyud kyi sbyor bas sems can la phan 'dogs shing gnas pa las/ wa ra Na sir 'ongs pa'i tshe/ bar skabs der byung bi rgyal po ba'i ma shu la zhes bya ba'i yul du'ang sems can gyi don rgya chen po byas te/ skabs der ka lI dA sa'i lo rgyus sbyar/