[A:285]pa blo gsal gyi bstan bcos thor bu kha re dang / paN chen shAka mchog gi brda'i bye brag rnam par 'byed pa'i bstan bcos/ smin drug lo tsA ba'i legs par bshad pa li sha'i gur khang la sogs pa rnams la rtog par bya'o/
rtsa ba'i gsum pa bdag nyid chen po sa paN dang / shong ston yab sras kyi skabs su dar zhing rgyas tshul bshad pa ni/ kun shes las/ snga ma'i byings mdo yi ge'i mdo 'grel bcas/ phyi ma'i byings mdo uN 'grel par bcas/ /byings dang kun bshad dpung gnyen si sogs kyi/ /bya ba rgyas pa la sogs mang po dang / /snga ma'i supra mtha' rin chen 'byung ldan sogs/ /sgra yi yan lag sdeb sbyor rin chen 'byung / /snyan ngag me long mngon brjod 'chi med mdzod/ /kun tu dga' ba'i zlos gar la sogs pa/ /shong dpang yab sras rnams kyis bsgyur zhing bshad/ /sgra dang snyan ngag sdeb sbyor mngon brjod dang / /zlos gar rnams la rig gnas chung ngu 'am/ /tha snyad rig pa'i gnas lngar grags pa rnams/ /chos rje sa paN yan la ma dar zhing / /thar lo yan la sgra mdo 'gyur ba med/ /sgra rig brjod bya spros te bshad na ni/ /zhes gsungs pa ltar ro/ /'di dag ni don legs par 'grel ba la sa bcad rnam pa gsum ste/ dang por bka' drin che ba bdag nyid chen po sa paN byon tshul/ bar du bka' drin che ba shong dpang yab sras byon tshul/ mthar bka' drin che ba zha lu lo tsA ba chos skyong bzang po byon tshul bshad pa'o/ /
dang po ni/ skye ba du mar sbyangs pa dang / /mkhas pa du ma bsten pa dang / /rnam par dpyod pa'i blo gros gyis/ /shes bya kun la 'jigs med thob/ /ces rang nyid kyi zhal gyis bzhes shing mkhas pa thams cad kyi tshad mar gyur