[A:18]ste/ dge slong stong nyis brgya lnga bcu byung pas/ ston pa'i 'khor dge slong brgya phrag phyed dang bcu gsum zhes 'byung ba ni de dag yin par shes dgos so/
de nas khyim bdag mgon med zas sbyin gyis/ mnyan yod du rgyal po gzhon nu rgyal byed kyi tshal gser gcal du bkrams pas nyos te/ gtsug lag khang chen po bcu drug/ khang phran drug cu dang bcas pa brtsigs te phul/ dus de'i tshe shA ri'i bus kun tu rgyu mig dmar bsnyen rdzogs byas par bshad pas/ gsol bzhi'i da ltar cho ga'i thog ma ni ston pa sangs rgyas nas lo lnga tsam gyi dus su byung bar sems so/ de na mkhyan yod du bstan pa tshugs te dge 'dun la gnas mal sogs kyis mnyes par byas pa'i thog ma de yin no/
ti'u ra pas ston pas so brgyad bzhes pa na mnyan yod rgyal byed tshal mgon med zas sbyin gyis phul zer ba 'dug ste so brgyad so dgu gang 'thad la yin par kho bo yang sems so/
de rjes ston pa sangs rgyas nas lo drug lon pa'i/ me mo lug gi lo ser skyar yab sras mjal te/ de'i tshe zas gtsang la skyed tshal lnga brgya yod pa'i nye gro ta/ tshangs pa'i gnas/ skye yod gsum du rgyal byed tshal 'dra ba'i gtsug lag khang re re bzhengs te phul/ zas gtsang dang grags 'dzin ma sogs bden pa la bkod/ sgra gcan zin shA ri'i bu la gtad de rab tu byung /
de'i tshe rgyal pos zas gtsang gis shAkya'i rigs la rab tu byung bar khral bcas te/ grong lnga brgya nas shAkya bzang ldan dang / lhas byin sogs lnga brgya