[A:313]slob dpon ngag dbang grags pa/ dkon mchog tshul khrims/ snar thang ras chen la sogs pa'i yongs su 'dzin pa bcu phrag lnga bsten nas bod du 'gyur ba'i bka' dang bstan bcos thams cad dang / mdo phyogs kyi bshad lung mtha' yas pa/ sngags phyogs kyi dbang / byin rlabs/ rjes gnang / rgyud bshad/ snying po phyung ba'i don khrid la sogs pa mtha' dag thugs su chud cing / bsam pa'i sgro 'dogs rgya cher bcad pa yin la/ lhag par rig gnas kyi bshad rgyun nyams pa thams cad gso ba'i phyir du sgra rig pa chen po gnas brtan legs pa rgyal po/ dpal sdings sgra pa/ lo chen grags pa rgya mtsho/ rgya ston lcags ri ba thar pa bzang po/ stag tshang lo tsA ba chen po shes rab rin chen/ chag lo bzhi pa rte'u ra pa rin chen chos kyi rgyal po/ dwags?dgas po paN chen sogs mkhas pa mang du bsten nas tha na yig rigs mi 'dra ba sna tshogs pa nas bzung ste/ sgra dang / snyan ngag dang / sdeb sbyor dang / mngon brjod dang / zlos gar te tha snyad sde lnga po 'di dag la 'phags yul nas 'gyur zin pa'i gzhung chen po 'grel pa dang bcas pa mtha' dag dang / ma 'gyur ba mang po rgya dpe'i steng du gtan la phab/ mdor na thos bsam gyi sgro 'dogs legs par bcad de/ ji snyed pa'i gnas thams cad ma 'dres par so sor 'chad pa'i nus pa thob/ rig pa'i gnas kyi bstan pa rin po che'i bdag po gcig pu par gyur pa yin no/ /
lhag par stag tshang lo chen gyi drung du ka lA pa'i spyi TIkra/ nyer mkho'i mdo so so 'grel pa dang bcas pa/ rig gnas phyi ma bzhi'i zab bshad/ nyid kyis mdzad pa'i bstan bcos mtha' dag gi bshad lung yongs su rdzogs par