[A:315]de ltar 'gyur mdzad pa'i tshul thams cad mkhyen pa zha lu lo chen gyi zhal snga nas kyi gsung dngos las 'di skad ces gsungs te/ bdag la yon tan skye ba dran pa sogs ma mchis/ rmi lam du sngar paNDi ta su rendra bo dhir gyur ces pa tsam rmi ba dran/ bla ma rnams kyi byin rlabs kyis tshul khrims rin po che dang ma bral tsam dang / byang sems smon 'jug blo sbyong rim pas dran pa dang dad gus ma bral tsam mchis/ lam rim gnyis yi dam lha dran pa dang / lam zab la dmigs rnam ma brjed ma dor tsam dang / lam gyi cha shas kyi nges shes 'dren pa lags/ skad gnyis smra ba'i lo tsAr gtogs tsam 'di snga ma'i bag chags dang / tshe 'dir mkhas pa bsten pas/ ka lA pa dang tsandra pa'i gzhung rdzogs pa'i sa ris slob sbyong dang / rgya dpe klog shes pas 'phags pa brgyad stong pa nyi khri dang 'bum gyi glegs bam dam dum/ sher phyin bdun brgya dang / yi ge nyung ngu / sher snying / rdo rje gcod pa'i 'grel pa/ mngon rtogs rgyan 'grel chung dang bcas pa/ byams chos phyi ma bzhi/ rgyud bla 'grel chen/ dkon brtsegs/ byang chub sems dpa'i sde snod/ blo gros bzang pos zhus pa/ byams pas zhus pa sogs dang / 'dul ba mdo rtsa/ so thar mdo/ sum brgya pa/ me tog phreng rgyud/ las chog tshad ma rnam nges/ rnam 'grel/ gtan tshigs thigs pa/ rgyud gzhan grub pa/ 'grel brtag dbu ma rtsa ba/ 'jug pa/ bzhi brgya pa/ 'grel pa tshig gsal/ stong nyid bdun cu pa/ rig pa drug cu pa/ zhib mo rnam 'thag chos dbyings bstod pa/ byang chub sems 'grel/ don dam par bstod pa sogs bstod pa bzhi/ bshes springs rnams dang / gzhan yang slob springs/ spyod 'jug