[A:24] mi 'dra ba'i bshad pa'i rnam grangs su 'dug pa brtag par bya ba'i gnas so/
ston pa'i nyan thos mchog zung du grags pa'i shA ri'i bu ni/ yul na la da'i bram ze skar rgyal gyi bu yin pas nye rgyal dang / ma shA ri ka ta'i bu yin pas shA ri'i bur btags/
mo'u gal gyi bu ni yul shing rta can du/ mi'u 'gal gyi rigs su skyes pas mi'u 'gal gyi bu dang / lha la gsol ba btab nas skyes pas pang nas skyes zhes btags/
de'i tshe klu ri bo dang yid 'ong gis dus ston gtong bar rgyal po ma skyes dgras byon pas/ rgyal po'i stan dang / 'dun na 'don gyi stan dang / rgol ba'i stan dang / mchog thob kyi stan bzhi bshams pa las/ dang por rgyal po/ gnyis par pang nas skyes/ gsum pa la nye rgyal 'khod de/ bzhi pa la de'i dbyu gu dang ril ba bzhag go/
de'i tshe glu gar dang rol mo sogs rtsed 'phyo sna tshogs byas pa na/ nye rgyal gyis smras pa/ shi pags shi ba'i rgyus pa dang // 'chi 'gyur bzhad gad 'phyo sgeg gis// 'chi ba'i skye bo 'dus pa la// mkhas pa su zhig yid rton byed// ces dang / pang nas skyes kyis/ rgyan rnams thams cad de yin te// gar rnams thams cad tho 'tshams pa// klu rnams thams cad rgyal ba yin// gzugs kun mi rtag pa yin no// zhes dang / yang shA ri'i bus/ ljon shing stib par gyur pa'i tshe// yal ga 'dab mas ci zhig bya// de bzhin skyes bu 'chi ba'i tshe// yongs su gzung bas ci zhig bya// zhes smras te rab tu byung bar chas te/ rdzogs byed sogs ston pa drug la ma