[A:31]te/ des kyang 'phags yul bcom rlag ces bya bar bstan pa spel te/ gdam ngag ston pa'i tha ma nyer sbas yin par bshad do/ de ltar kun dga' bo gang gA'i dbus su mya ngan las 'das te/ sku'i phyed rgyal khab pa dang / phyed yangs pa can pas thob ste/ mchod rten brtsigs so/
de nas bsdu ba gnyis pa'i dus kyi dgra bcom pa bdun brgya po yang kun dga' bo'i mkhan bu kho na yin te/ nyi ma gung pa yang kun dga' bos bsnyen par rdzogs par bshad pas/ kun dga' bo dgung lo brgya dang zhe lnga bzhugs te/ 'das lo nas lo brgya lon pa'i me yos rab byung gi lo
spyi lo'i sngon gyi lo 2033
de nyid la mya ngan las 'das par mngon te/ kun dga' bo ston pa'i dgung lo so lnga pa chu pho stag la bltams nas/ gang gA'i dbus su nyi ma gung pa la bsnyen rdzogs mdzad pa'i lor mya ngan las 'das pa gang zhig/ ston pa 'das nas lo brgya lon pa'i tshe nyi ma gung pa 'byung bar lung bstan pa'i phyir ro/
de nas bsdu ba gsum pa ni/ rab dbye las/ de ltar dag par byas pa'i rjes// lha chen zhes bya'i dge slong zhig// bstan pa 'di la chom rkun byung // zhes sogs nas 'das lo nas lo bzhi brgya lon pa sa pho 'brug gi lor spyi lo'i sngon gyi lo 1733
/ dgra bcom pa seng ge sogs dgra bcom pa lnga brgya/ so skye'i paNDi ta lnga brgya/ byang sems bdun stong ste paNDi ta khri bdun stong gis/ lha chen chos log sun dbyung / sde snod gsum glegs bam du bris/ sde pa bco brgyad kyi bstan pa rnam dag tu bsdus pa'i sgo nas bka' bsdu gsum mdzad/