[A:35] skor bzhugs par gsal te/ mkhan bu sgra gcan zin 'das lo nas lo bzhi brgya skor du byon pas so/ rnam pa gcig tu na 'di sku 'das pa'i tshul ma bstan par gsal te gnas bcu'i nang tshan yin pas so/
'o na zla grags klu sgrub kyi zhabs zin min par 'jam dbyangs sa pan gyi dris lan las bshad pa min nam snyam na/ dris lan de nyid las brgyud pa'i slob ma lta bur bshad pa nas/ rang re sa skya pa phal cher zla grags/ klu sgrub kyi zhabs zin ma yin te/ klu sgrub ston pa'i 'das lo nas lo bzhi brgya nas byon nas lo drug brgya bzhugs/ thogs med lo dgu brgya nas byon nas lo brgya dang lnga bcu bzhugs/ de'i sku tshe smad kyi slob ma dbyig gnyen yin pa las/ zla grags kyi dus dbyig gnyen la sogs pa yang 'das zin nas mi bzhugs par bshad pa las shes pa'i phyir te/ 'jug pa rang 'grel las/ gal te gnas brtan dbyig gnyen dang chos skyong la sogs pas bstan bcos rnams kyi mdzad pa po byon zin par gyur pa de dag gis kyang zhes sogs bshad pas so/ zhes sogs sgrub byed lung rigs mang dag mdzad na'ang kho bo ni zla grags klu sgrub kyi zhabs zin yin par sems te/ gsang 'dus sgron gsal las/ sangs rgyas kun gyi rim gnyis gnas kyi rgyas btab de ni klu sgrub la rnyes pa// khyab bdag dpal ldan rdo rje sems par btud de zla ba grags pas rim bzhin bshad// ces dang / paNDi ta skal ldan grags pas/ de ni dpal ldan klu sgrub las rnyed pa/ zhes smos te/ de ni dpal ldan klu sgrub kyi zhal snga nas kyi dngos kyi slob ma nyid du so sor ston gyi brgyud pas ni ma yin no zhes sogs bshad cing / do ha mdzod kyi Tika 'ga' zhig las kyang zla grags kyis klu sgrub las man ngag