[A:38] ces grags pa des mig nas nyi ma'i 'od zer bkye nas gtsug lag khang rnams bsregs nas bsnubs/ de'i tshe gsang ba 'dus pa'i glegs bam las chu byung ste mi shi bar byas so zhes dang / klu sgrub kyis 'bum klu yul du gdan drangs nas bros so zhes kyang grags so/
de nas 'das lo nas lo dgu brgya lon pa sa pho byi ba'i lor
spyi lo'i sngon gyi lo 1233
bram ze ma gsal ba'i tshul khrims zhes pas/ rgyal rigs dang 'dus pa las 'phags pa thogs med sku bltams te/ lo bcu gnyis su byams pa bsgrubs pas/ chos rgyun ting nge 'dzin las byams pa sprul sku'i zhal mthong ste/ dga' ldan du zhal gyi bdud rtsi ngoms par 'thung / slar byams pa longs sku'i zhal mthong ste bden pa mngon sum du gzigs/ sa sde lnga dang sdom rnam gnyis la sogs pa'i bstan bcos mang du brtsams/ lta ba rnam rig gi srol phye ste theg chen gyi bstan pa dar bar mdzad cing / de'i slob ma'i gtso bo bram ze ma gsal ba'i tshul khrims bram ze dang 'dus pa las 'khrugs pa'i gcung dbyig gnyen te/ thog mar kha cher/ kha che 'dus bzang la brten te bye smra ba'i lugs srol la sbyangs shing / phyis gcen thogs med las theg chen gyi bka' sde snod gsan pa de'i slob ma'i gtso bo ni/ phar phyin rang las mkhas pa 'phags pa grol sde/ tshad ma rang las mkhas pa slob dpon phyogs glang / mngon pa rang las mkhas pa slob dpon blo brtan/ 'dul ba rang las mkhas pa slob dpon yon tan 'od dang bzhi'o/ des na/ thogs med byon pa'i sa pho byi ba nas nyis stong bdun brgya go bdun 'das pa'i go brgyad pa ni da lta'i shing pho byi lo 'di'o/ 'dis lo brgya dang lnga bcu bzhugs so/