[A:46] snyam ste da dung brtag go/ gang ltar yang bod du bstan pa snga dar gyi dbu brnyes nas da lta'i byi lo 'di'i bar la stong dang brgya lnga bcu rtsa brgyad do/
de ltar lha tho tho ri bltams pa nas/ gnam ri srong btsan gyi sras srong btsan sgam po bltams pa yan gyi gdung rabs lnga'i ring la lo nyis brgya dang re dgu song 'dug pas/ rje btsun pas/ chos dbu brnyes nas rgyal rabs lnga yi bar/ lo grangs brgya dang lnga bcu thal zhes zer/ zhes yi ge'i skyon kho nar zad de/ lha tho tho ris kyang lo brgya nyi shu bzhugs na/ de man gyi rgyal rabs bzhi bsdoms pas lo sum cu tsam las ma bzhugs par bsgrub mi nus pa'i phyir ro/
gnyis pa srol btod pa ni/ rgyal po srong btsan sgam po nas yin te/ de yang 'das lo nas lo nyis stong dang bdun brgya dang zhe dgu 'das pa'i lnga bcu pa me mo glang
spyi lo 617
srong btsan sgam po bltams/ me glang 'di nas da bar la dgu brgya dang zhe brgyad lon/ me glang 'di gnya' khri btsan po byon nas dgu brgya sum cu pa dang / snga dar gyi me mo lug nas nyis brgya bcu gcig pa yin no/
des na 'dis bstan pa'i srol btod tshul la gsum/ rten byon pa'i tshul/ lo pan byon pa'i tshul/ chos ji ltar dar ba'i tshul lo/
dang po ni/ rgyal po 'dis lo bcu gsum pa la rgyal srid bzung / bco lnga pa la sprul pa'i dge slong A ka ra ma ti shI las/ sing ga gling gi rgya mtsho'i 'gram nas tsandan sbrul snying las rang byon gyi spyan ras gzigs yid bzhin nor bu zhal bcu gcig pa dang / rgya bod mtshams kyi nags khrod nas tsan dan ha