[A:48]sam/ bod du ni de gong du byon tshar ba lags so/
'di lta bu'i jo bo shAkya 'di ni/ ston pas lo zhe gcig pa sa pho sprel lo sum cu rtsa gsum du dbyar gnas la bzhugs pa'i tshe/ rgyu lha'i rin po che las/ sbyin bdag lha dbang brgya byin gyis byas/ bzo bo bi shwa karmas byas te/ dgung lo bcu gnyis pa'i sku tshad du bzhengs/ rten 'di nyid lha yul rgya gar/ u rgyan sogs su'ang lo mang dag bzhugs nas/ rgya gar rgyal po dharma pa las rgya nag rgyal po sri ta bi dza ya la skyes su bskur te lo lnga brgya bzhugs/ 'das lo nas nyis stong bdun brgya dang drug cu rtsa dgu pa me pho sprel lor
spyi lo 636
bod du byon/ de nas da bar dgu brgya dang nyi shu rtsa dgu lon/
gnyis pa lo pan byon tshul ni/ de'i tshe thon mi a nu'i bu thon mi samabho ta g.yog bcu drug dang bcas pa rgya gar du brdzangs/ bram ze li byin la yi ge dang / panDi ta lha'i rig pa seng ge la sgra bslabs te/ bod du yi ge'i bstan bcos sum cu pa dang / rtags 'jug sogs brgyad brtsams te/ yi ge sogs yon tan gyi gzhi bting / za ma tog bkod pa dang / padma dkar po/ 'dus pa rin po che'i tog/ rgyal po mdo lnga/ pang kong phyag rgya pa/ dkon mchog sprin sogs mang du bsgyur to/ gzhan yang lha lung rdo rje dpal dang / rgya gar gyi slob dpon ku sa la dang / bal po'i slob dpon shI la manydzu dang / rgya nag slob dpon ha zhang ma hA de wa sogs byon te/
gsum pa chos ni/ theg chen gyi bstan pa la sgom sgrub gtso bor mdzad cing / gtan khrims lnga bcas/ bshad pa'i sgo yang cung zad 'dod pa tsam mo/