[A:49] de ltar yang grags pas/ srong btsan sgam po me mo glang la 'khrungs/ spyan ras gzigs de bcu gsum lon nas yab 'das nas chab srid lo grangs drug cu dgur bzung ste spyir lo brgyad cu rtsa gnyis na/ 'phrul snang bcu gcig zhal la thim mo skad/ ces sogs bshad pa ltar/ brgyad cu rtsa gnyis pa la mdzad pa rdzogs shing / thugs rje chen po'i sprul par grags so/
des na srong btsan sgam po/ gung srong gung btsan/ mang srong mang btsan/ dar ('dus) srong mang po rje/ khri lde gtsug brtan lnga ni/ chos kyi srol gtod pa'i gdung rabs zhes bya ste/ gung srong yab kyi sngon la gshegs pas phyed du byas nas/ tho tho ri sogs lnga dang bsdoms pas/ skyid pa'i gdung rabs phyed dang bcu zhes bshad pa de dag yin no/
gsum pa dar zhing rgyas pa'i dus ni/ chos rgyal khri srong lde btsan nas yin te/ 'di la yang gsum/ gtsug lag khang dang rten la bya ba byas tshul/ lo pan bshes gnyen bstan tshul/ dam chos bshad sgrub dar tshul lo/
dang po ni/ gung srong gi sras mang srong gi ngo la/ rgya dmag bod la 'dren zer bas 'jigs te/ jo bo rin po che ra mo che nas 'phrul snang gi lho sgo me long can du gdan drangs te/ sgo la zhal ba byas nas/ 'jam dbyangs kyi sku brnyan bris nas bzhugs su gsol te/ gdung rabs gsum gyi ngo la mun khang du bzhugs so/
de'i tshe dur ('dus) srong gi sras khri lde gtsug brtan mes ag tshom grags pa de la/ sras ljang tsha lha dbon zhes pa mtshar ba zhig yod pas/ de la rgya mo gyim shang zhes pa zhig btsun mor blangs pa sras grongs nas mes