[A:57] pa'i dad pa 'khrungs te dbang bskur lan gsum gsan pa'i/ dang po'i dbang yon du dbus gtsang khri skor gsum/ bar par bod chol kha gsum/ tha ma rgya yi li yul chen mo phul bas phan bde'i nyer 'tsho bla na med par gyur/ 'jam dpal rtsa rgyud las/ yi ge dhi
dhi zhes pa blo gros kyi skad dod yin pas mtshan gyi zur dang po bstan/
zhes sdom brtson nyid/ /ston pa'i bstan pa gsal byar byed/ /ces lung gis bstan par ltar/ sdom brtson rgyal po'i tshul bzung nas/ grub mtha' la nye 'khon med par bskyangs pas yongs rdzogs bstan pa'i bshad sgrub dang / gangs can gyi bde skyid nyin mo ltar gsal bar mdzad/ mang du thos pa'i mchog snar thang pa bcom ldan rig pa'i ral gri yang grub pa'i yon tan gyis rang dbang med pa'i dad par bkod pa sogs rnam thar bsam gyis mi khyab cing / khams gsum chos kyi rgyal por bsngags pa'i springs yig 'jig rten gsum na grags pa nyid do/ /'gro mgon phyag na'i sras chos skyong srung bas gdan sa lo shas mdzad cing / de nas zangs tsha'icho'i sras slob dpon ye shes 'byung gnas kyi sras bdag nyid chen po bzang po dpal gdan sar phebs/ de la btsun mo bdun bzhes pa las sras ming sring bco lnga 'khrungs pa'i ti shrI