[A:56] mtha' dag la shin tu byang zhing 'jig rten pa'i lha las dngos grub kyang thob pa phyi rol pa'i ston chen 'phrog byed dga' bo sogs drug lung dang / rigs pa dang / lhag pa'i lhas rjes su bzung ba'i mthus brtul nas nang pa'i bstan pa la bcug /mthar rgya nag go dan rgyal pos spyan drangs te byang phyogs sprul pa sde'i lha khang du ngo mtshar ba'i rnam 'phrul bsam gyis mi khyab pas gzugs sku'i bkod pa bsdus/ zangs tsha bsod nams rgyal mtshan la sras chos kyi rgyal po 'phags pa dang / grub pa'i dbang phyug 'gro mgon phyag na gnyis 'khrungs pa las/ chos rgyal 'phags pa rin po che blo gros rgyal mtshan ni/ sa chen po la bzhugs pa byang chub sems dpa' bsam bzhin du mi'i srid par bzung bas/ thog ma nas rigs dang / brtse ba dang / byang chub sems dpa'i spyod tshul sogs gzhan las ches khyad par du gyur pas/ 'phags pa zhes pa'i mtshan gyi me tog phye/ rig pa dang grol ba'i spobs pa zad mi shes pa'i gter brdol/ yan lag lnga mtshon rnon pos so sor phral ba rgyal ba rigs lnga'i bkod par bstan pa sogs rdzu 'phrul gyi spyod pa dang / sku gzung thugs kyi mdzad pa phun sum tshogs pas gdug can hor gyi rgyal po'ang mi phyed