[B:21b] byon zer ba gyis zhes de'i zhu ba'ang 'grub byung gsung / de nas rtses thang phebs te rngog lugs rnams gsan par bzhed pa'i tshe/ kha cig na re/ rin po che pa rang la gsan pa 'thad zer/ kha cig snang ra ba la gsan pa 'thad zer/ chu mig dgon sar du dge slong sher lhun pa la rmi lam du yi dam la zhur bcug pas/ khong gis sku skye snga phyi'i lung bstan mang po dang rin po che rang la zhus pa legs pa'i 'thad pa dang bcas pa bskur byung ba dang / bsam gtan gling du slob dpon ye shes dpal la pra 'bebs su bcug pas pra rten na re/ dbu rtse cig 'dugade'i steng na bla ma cig 'dug de'i sgo rtsa na mi nag po ral gri bzung ba cig 'dug zer bas/ spre'u zhing rin po che rang la gsan pa legs par dgongs nas 'brug lo'i mjug tu nye ba na gzhung spre'u zhing du phebs nas rin po che byang chub dpal ba'i zhabs la gtugs te dbu mdzad bkra shis dpal zhes bya ba'i sar bzhugs nas/ dge 'dun sgang pa'i mkhan chen seng ge dpal ba dang lhan du gsan pa la/ thog mar kye rdor yab bka' yum bka'/ rigs bsdus rnams kyi dbang yongs su rdzogs pa/ brtag gnyis rin chen rgyan 'dra dang rngog pa'i gsung sgros sbrags pa'i bshad pa/ gur zhe sdang rdo rje'i Tika'i steng nas bshad pa legs par gsan/ de rjes rgyud de gnyis kyi rdzogs rim nA ro chos drug gi khrid gnang ba la/ rtsa ba'i khrid/ zhal gdams bka' bzhi'i lo rgyus dang bcas pa/ steng sgo rnam grol/ a thung / tshigs su bcad pa brgyad pa/ rim pa lnga ldan/ dbang nyams phyag rgya chen po/ gnyid 'od gsal/ [A:52]'byung bzhi ro snyoms/ kha sbyar dbye ba'i yig chung / 'od gsal don bzhi ma/ grong 'jug 'pho ba dang grong 'jug gi zhal gdams/ phyag rgya chen po snang ba phyi shur rnams dang / me tri ba'i lam dgu phrugs/ sgrub thabs mtsho skyes/ yan lag drug pa/ bdud rtsi 'od/ mi thub zla ba'i bdag med ma'i sgrub thabs rnams gsan/ de nas