[A:117]gnyis rgyal po tshul bzhin bzung / chu mo phag gi lo gzhug nas thugs la gdon gsol ba dang / blon po rgyal to re/ stag sna can la sogs sdig la dga' ba rnams kyi bsgyur nas/ sngar nu bo la rgyal srid bskos pa'i snying gnad byas/ bod du sangs rgyas kyi bstan pa bsnubs/ lo phyed dang bzhir sdig rgyal kho na byas/ lo zhe bzhi pa me pho stag lo'i dus/ yer pa'i lha ri snying po na/ lha lung dpal gyi rdo rje gab nas rtse gcig tu sgrub pa la yod pa/ lha mo nag mos bskul nas/ lha sa'i rdo ring rtsa ru/ lha lung dpal gyi rdo rje rgyal po bkrongs nas bros so/ /de dus rgyal po na re/ nga yang na sgrol ba lo gsum gyi phyis/ yang na lo gsum gyi sngas zer/ sdig rgyal de'i rkyen gyis/ chu mo phag nas me pho rta'i bar lo drug cu rtsa brgyad tsam/ bod du dam chos snub 'dug dar ma'i bang so 'khrul dang rgyal chen bar na yod/ de'i ming ni bang rim 'khor lo can zer ste/ rtsig 'phro la lus so skad/ glang dar ma la smad kyi steng zer ro/ /'di man chad smad sil bur song / dar ma grongs rting btsun mo che bas bu chung gcig btsal nas mdang mo rang la skyes pa'i bu yin byas pas/ yum ka brtan du chug zer nas/ yum brtan byung / des dbu ru bzung / chun ma la lto bor gyi sras gcig yod pa/ mar me'i 'od la srung bas 'od srung byung / des g.yon ru bzung / dbu g.yor 'khrug pa byas/ rgyal rigs gcig la phyogs rigs gnyis su gyes/ blon po khu theg sbrangs shang srid dang / rngog pas sum sgra rje yab dang / rdog rgyal lto ro gel pa rnams kyi byas/ rgyal blon de rnams bsod nams chung bas/ sa mo glang la khengs log byung / me mo bya la bang so rnams bshig rje 'bangs bye/ rgyal khrims zhig