[A:121]dar zhing rgyas par mdzad pas na/ bstan pa phyi dar la/ a mes bla chen dgongs pa rab gsal dang / slob ma dbus gtsang gi mi rnams/ sbyin bdag mnga' bdag tsha la na yab sras dang bcas pa thog ma sku drin shin tu che ba lags/ rgyal po glang dar ma'i sras gnyis la gdung rgyud ji ltar byung na/ gcen yum brtan dang / pa tshab bza' bkra shis mtsho'i sras/ khri lde mgon gnyen/ de'i sras khri lde rig pa mgon dang / nyi ma mgon dang / gcung de'i sras la/ nyi 'od dpal mgon de'i rgyud/ klung shod 'phan yul mdo khams na mang ngo / /gcen po'i sras khri lde so dang / rdo rje 'bar lde so'i rgyud/ bug pa can dang / thang lha brag pa rnams so/ /rdo rje 'bar ba'i sras khri dbang phyug btsan/ de'i sras tsha la na ye shes rgyal mtshan/ de'i sras mnga' bdag khri pa yab sras/ 'di gnyis kyi dbus gtsang gi mi rnams mdo smad nas chos 'tshol ba la rim par brdzangs pa dang / dge 'dun gyi sde/ lha khang bzhengs pa/ bsam yas chos mkho sgrub pa la sogs/ bod dbus gtsang gi bstan pa'i me ro gso ba'i bdag rkyen brjid khur che bar mdzad do/ khri pa'i sras a tsa ra dang / dge slong bla ma bo dhi rA dza rnams so/ /a tsa ra'i rgyud 'khrong po pa/ gtsang rgyab pa/ glags pa lam pa/ grib pa/ snye thang pa/ khum pa btsad po la sogs pa'o/ /bla ma la rgyud med/ dge slong gi spel bzhi pa/ bo dhi rA dza'i rgyud/ lha btsun sngon mo/ gnyug rum pa/ lha 'bri sgang pa la sogs pa byung / da lta 'on mdo chab thang btsad po rnams so/ /de rnams yum brtan gyi rgyud yin no/ khri lde 'od srung dang / cog ro bza' rgyal mo legs kyi sras/ mnga' bdag dpal 'khor btsan shing mo bya la yar klungs 'phang mdar